QR AShM: ShQO Qalbataý aýylynyń eki turǵyny túıneme kúdigimen aýrýhanaǵa jatqyzyldy

ASTANA. QazAqparat - Shyǵys Qazaqstan oblysy, Qalbataý aýylynyń eki turǵyny túıneme bolýy múmkin degen kúdikpen aýrýhanaǵa jatqyzyldy, dep habarlady QR Aýyl sharýashylyǵy mınıstrliginiń baspasóz qyzmeti.

ShQO aýmaqtyq ınspektsııa málimetteri boıynsha, Jarma aýdany, Qalbataý aýylynyń eki turǵyny túıneme bolýy múmkin degen kúdikpen Jarma qalasynyń jergilikti aýrýhanasyna jatqyzylǵan.

«Soıylǵan sıyr eti atalǵan eldimekendegi 9 otbasyna taratylǵan. Mal soıǵan orynnan barlyq materıaldar alynyp, «Respýblıkalyq mal dárigerlik zerthana» RMK (respýblıkalyq memlekettik kásiporny) Semeı aımaqtyq fılıalyna jiberildi. 21 maýsymda «Mal dárigerlik boıynsha ulttyq referenttik ortalyq» RMK-ge joldandy. Soıylǵan malǵa vaktsına egilgen», - dep jazylǵan habarlamada.

Jyl basynan beri Jarma aýdanynda 6 000 bas múıizdi iri qara malǵa, 10 000 bas usaq malǵa, 950 bas jylqy jáne 250 shoshqaǵa Sibir jarasyna qarsy vaktsına egilgen.

Janýarlardan kelgen bul oqys jaǵdaı oblystyq jáne aýdandyq aımaqtyq ınspektsııanyń jáne jergilikti atqarýshy organdardyń baqylaýynda, dep habarlady  Aýyl sharýashylyǵy mınıstrligi.