QR AShM Reseıge zańsyz et tasymaldanýyna qatysty túsinikteme berdi
Onyń atap ótýinshe, QR AShM Veterınarlyq baqylaý jáne qadaǵalaý komıtetine Rosselhoznadzor mekemesinen hat kelip túsken. Onda aǵymdaǵy jyldyń 19 qyrkúıeginde 42 tonna Brazılııa shoshqa etin tıegen eki kóliktiń ustalynǵany aıtylǵan. Qazaqstandyq «Modul Trans Company» JShS jóneltken taýardyń ilespe veterınarlyq qujaty bolmaǵan. Sál keıinirek «Modul Trans Company» JShS ókili reseılik mekemege Qazaqstan veterınarlyq qyzmeti bergen veterınarlyq anyqtamany usynǵan. Alaıda, QR AShM Veterınarlyq baqylaý jáne qadaǵalaý komıteti atalǵan qujattyń jalǵan ekendigin anyqtap otyr. «Dál osyndaı oqıǵa aǵymdaǵy jyldyń 13 qazanynda tirkeldi. Ol kezde Samar oblysynda 233 tonna júk tıegen, reseılik memlekettik nómiri bar 11 kólik ustaldy. Bul júk te ilespe veterınarlyq qujatsyz bolǵan», - degen vıtse-mınıstr bul júkti de qazaqstandyq «Kazintersauda» JShS jibergendigin atap ótti. Onyń atap ótýinshe, júk Oral qalasynda ornalasqan «Aqjaıyqplem» JShS qoımasyndaǵy muzdatqyshta saqtalǵan. «Sondyqtan da Rosselhoznadzor «Kazintersauda» jáne «Aqjaıyqplem» seriktesteriniń ónimin Reseıge ákelýge tyıym saldy», - dedi G.Isaeva.