QR AShM Pavlodar ınspektsııasynyń eks-basshysyn jaýapqa tartyldy

PAVLODAR. QazAqparat - QR AShM Pavlodarlyq agroónerkásip kesheni aýmaqtyq ınspektsııasynyń basshysy bir jylǵa bas bostandyǵynan aıyryldy. Úkimdi búgin Pavlodar qylmystyq ister sotynyń sýdıasy Baltabaı Dóńbekbaev shyǵardy.

«Konstantın Fedotov QR QK 189-baby (3-bólimi 2-bólimshesi) jáne  369 (2-bólimi) babyna sáıkes aıypty dep tanylsyn. Ol 1 jylǵa bas bostandyǵynan aıyrylsyn», - dedi sýdıa.

Burynǵy sheneýnik memlekettik qyzmette laýazymdy qyzmet atqarý quqyǵynan ómir boıyna aıyryldy. Memlekettik aıyptaýshy Rýstam Baıysovtyń aıtýynsha, sottalýshy kinásyn moıyndady.

Іs materıaldaryna sáıkes, bıýdjet qarajatynyń 213 myń teńgesin jymqyrǵan. Aqsha issapar shyǵyndary esebinen urlanyp, ony bir top adam - ınspektsııa basshysy, bas býhgalter men mekeme bólimderiniń biriniń basshysy bólip alǵan.

«Ózge tulǵalar áreketteri úshin ókingendikten, olarǵa qatysty is toqtatyldy. Aıyptaýshylar mekeme basshysyna aıyppul salý jazasyn qoldanýdy suraǵan», - dedi prokýror.

Úkim zańdy kúshine enbedi, oǵan shaǵymdanýǵa bolady.