QR AShM óńirlerde veterınarlyq zańnamanyń buzylý faktileri boıynsha qyzmettik tergeý júrgizedi
Bul týraly búgin veterınarııa máseleleri jónindegi selektorlyq keńeste QR Aýyl sharýashylyǵy mınıstri Asyljan Mamytbekov málim etti.
«Biz Zańǵa («Veterınarııa týraly») ózgertýler engizdik. Oǵan sáıkes, mal ıeleri memlekettik organdardyń mindetterine qatysty kúdigi bolǵan jaǵdaıda óz qarjysy esebinen tekserý júrgizýge quqyly. Biz sáıkesinshe ózgertýdi veterınarlyq erejege engizdik», - dedi ol.
Degenmen, mınıstrdiń atap ótýinshe, bul erejeler ár ýaqytta da oryndala bermeıdi. Osyǵan oraı mal sharýashylyǵy basshylyqtary tarapynan jıi shaǵym túsýde. Óıtkeni, óńirlerdegi veterınarlyq organdar qaıta tekserý júrgizýden bas tartýda. Sondyqtan da kemshilikterdi, jemqorlyq zańbuzýshylyqtardy anyqtaý úshin qyzmettik tergeý júrgiziledi.
Qazaqstan aýsyldy baqylaý boıynsha ulttyq baǵdarlamany júzege asyrýda mańyzdy jetistikterge qol jetkizdi.