QR AShM óńirlerde AÓK damytýdyń 150-den astam problemalyq máselelerin qarastyrdy

ASTANA. QazAqparat - Qazaqstan Respýblıkasy Aýyl sharýashylyǵy mınıstrliginde QR Premer-Mınıstriniń orynbasary - aýyl sharýashylyǵy mınıstri Asqar Myrzahmetovtiń oblys ákimdikterimen óńirlerdiń agroónerkásiptik keshendi damytýdyń problemalyq máseleleri boıynsha ótkizgen keńester qorytyndysy boıynsha esep berdi. Bul týraly primeminister.kz saıty habarlady.

Mınıstrliktiń málimetinshe, aǵymdaǵy jyldyń 31 tamyzynan bastap 21 qyrkúıekke deıin aýyl sharýashylyǵy mınıstrimen is júzinde barlyq oblys ákimdikterimen keńester ótkizildi, 150-den astam problemalyq máseleler qarastyryldy, onyń 80-nen astamy boıynsha naqty sheshimder qabyldandy jáne bul máseleler keńes otyrysy barysynda sheshildi, al 70 másele boıynsha qosymsha pysyqtaý júrgizilip jatyr.

Máselelerdiń kóbisi, atap aıtqanda shamamen 45-i veterınarııalyq qaýipsizdik salasyndaǵy máselelerge, 30-dan astam suraq mal sharýashylyǵy salasyn, ınvestıtsııalyq sýbsıdııalaýdy jáne de basqa da birqatar baǵyttardy qosymsha qarjylandyrý qajettiligine, sonymen qatar AÓK sýbsıdııalandyrý mehanızmin jetildirýge baılanysty boldy.

Olardyń birazy keńes kezinde sheshildi jáne alynyp tastaldy.

Sonymen jekelep aıtqanda, ákimdikterge 2016-2017 jyldarda ekonomıkalyq ósimdi yntalandyrý jáne jumyspen qamtýdy qamtamasyz etý sheńberinde, asyl tuqymdy mal sharýashylyǵyn damytýdy, mal sharýashylyǵy óniminiń ónimdiligin jáne sapasyn arttyrýdy sýbsıdııalaýǵa qosymsha qajettilik boıynsha 2016 jyly somasy 30,2 mlrd teńge bolatyn bıýdjettik ótinim berilip, ol tolyq kólemde maquldandy, sonymen qatar, ınvestıtsııalyq salym kezinde agroónerkásiptik keshen sýbektilerin sýbsıdııalaý boıynsha baǵdarlamany iske asyrýǵa respýblıkalyq bıýdjetten qosymsha shamamen 12,7 mlrd teńge bólinetini týraly jetkizildi.

«Búgingi kúni 2016-2018 jyldarǵa arnalǵan respýblıkalyq bıýdjet týraly zań qabyldandy, jaqyn kúnderi atalǵan bıýdjettik qarajattar aımaqtarǵa jetkiziletin bolady», - dep naqtylady QR AShM-de.

Mınıstrlikte aıtyp ótkendeı, jańa formattaǵy keńester endi turaqty negizde ótkiziletin bolady. Sonymen qatar QR Premer-Mınıstriniń orynbasary - aýyl sharýashylyǵy mınıstri A. Myrzahmetov oblys ókilderimen atalǵan kezdesýleri máselelerdi aıtýǵa ǵana emes, sondaı-aq bastysy sheshimder izdeýge baǵyttalǵan. Onyń ústine, bul mınıstrlik pen jergilikti atqarý organdary arasynda tıimdi yntymaqtastyq qurýǵa túrtki bolady.