QR AShM ókilderiniń óńirlerdegi veterınar mamandardyń biliktiligine kóńili tolmaı otyr
«Ótken jyly qaýipti indetterdiń taralý sebebine jasalǵan taldaý nátıjesi ortalyq pen óńir arasynda úılestirý sharalarynyń joqtyǵyn anyqtady. Problemany sheshý úshin mınıstrlik tarapynan birqatar sharalar qabyldandy. 2016 jyly ákimdiktermen birge qadamdyq is-qımyldardyń erejesi bekitilip, atalǵan tájirıbe aǵymdaǵy jyly da jalǵasýda.
Josparlarda qabyldanatyn sharalardyń naqtylyǵyn kúsheıtý máselesi qamtylyp otyr, osy rette birinshi kezekte vaktsınalaýǵa, sáıkestendirý men dıagnostıkalyq zertteýlerge erekshe mán berildi.
Ózara is-qımyldyń osy qadamdary tıisti nátıjelerdi berip jatyr. Naqtyraq aıtsaq, 2015 jylmen salystyrǵanda, janýarlar men adamdardyń brýtsellezge shaldyǵýy 40 paıyzǵa tómendedi. Buǵan zertteý jumystarynyń merziminde oryndalýyn qatań baqylaýǵa alý men aýrý janýarlardy ýaqytyly anyqtaý sharalary yqpal etti. Nátıjesinde, indetti qaıta juqtyrý jaǵdaılaryna tosqaýyl qoıylyp otyr»,-dedi Aıtýǵanov Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń múshelerimen kezdesý barysynda.
Sonymen qatar ol júrgizilgen taldaý barysynda jergilikti jerlerde veterınar mamandardyń biliktiliginiń tómen ekendigin atap ótti. Sondyqtan mınıstrlik aýdandyq veterınarlyq zerthanalardyń bos ǵımarattaryn osy salanyń mamandaryna oqytý semınarlaryn ótkizý maqsatynda paıdalaný sharalaryn qarastyryp jatqan kórinedi.