QR AShM men Qazaqstan Ǵarysh Sapary Máskeýdegi baıqaýdyń nomınanttary atandy
MÁSKEÝ. QazAqparat - QR Aýyl sharýashylyǵy mınıstrligi, «Qazaqstan Ǵarysh Sapary» UK» AQ jáne «Ulttyq aqparattyq tehnologııalar» AQ memlekettik sektordaǵy jobalyq qyzmetti kásibı basqarý boıynsha «Jobalyq Olımp - 2016» baıqaýynyń nomınanttary atandy.
«Jobalyq Olımp» baıqaýyn RF Úkimeti janyndaǵy Saraptamalyq ortalyq 2014 jyldan beri ótkizip keledi. Onyń maqsaty - jobalyq basqarýdyń tıimdi quraldardyn belsendi túrde engizetin túrli deńgeıdegi memlekettik sektor uıymdaryna qoldaý kórsetý; jobalyq, baǵdarlamalyq-maqsatty basqarý múmkindikterin paıdalana otyryp, memlekettik bılik organdarynyń jáne memlekettik sektor uıymdary qyzmetiniń tıimdiligin arttyrýǵa jaǵdaı jasaý. Ádilqazylar alqasy RF Prezıdenti Ákimshiligi, Úkimet Apparaty, mınıstrlikter men vedomstvolar jáne sarapshy qaýymdastyq ókilderi bolǵan baıqaýda jobalardy basqarý júıesiniń tıimdiligi baǵalanady.
2016 jyly baıqaýǵa qatysýǵa 300-den astam ótinim túsken, onyń ishinde 30 qatysýshy ǵana aqtyq synǵa ótken. «Jobalyq Olımp - 2016» ereksheligi baıqaýǵa alǵash ret qatyssa da, shyqqan úsh qazaqstandyq uıymnyń fınalǵa shyǵýy boldy. Osylaısha, qazylar alqasynyń sheshimimen, «Uıymnyń jobalyq qyzmetin basqarý júıeleri» nomınatsııasy boıynsha «Qazaqstan Ǵarysh Sapary» UK» AQ ekinshi orynǵa laıyq dep tanyldy. Uıymǵa «Jobalyq menedjment» serııasynyń ulttyq jáne halyqaralyq standarttaryna sáıkes sertıfıkaty tabystaldy. Dál osy nomınatsııa boıynsha úshinshi oryn QR Aýyl sharýashylyǵy mınıstrligine berildi, sondaı-aq QR AShM «Jobalyq qyzmetti strategııalyq basqarýdaǵy tıimdi sheshim úshin» arnaıy syılyǵyna da ıe boldy. Al «Ulttyq aqparattyq tehnologııalar» AQ «Keshendi jobany basqarý júıesi» nomınatsııasynyń fınalısi dıplomymen marapattaldy. 
