QR AShM memlekettik qorǵa eksklıýzıvti syılyq jasady

ASTANA. QazAqparat - Aýyl sharýashylyǵy mınıstrligi -ózderine syıǵa tartylǵan eksklıýzıvtik antıvırýstyq baǵdarlamany arnaıy memlekettik qorǵa tapsyrdy, dep habarlaıdy QazAqparat mınıstrliktiń baspasóz qyzmetine silteme jasap.

Elordanyń 20 jyldyǵyna oraı antıvırýstyq baǵdarlamalardyń basty ázirleýshileriniń biri «Kasperskıı zerthanasy» AQ Aýyl sharýashylyǵy mınıstrliginiń basshylyǵyna aqparattyq qaýipsizdik qaterlerin tómendetý boıynsha flagmandyq ónimniń arnaıy nusqasyn syılady. 

Atalǵan syılyq «Sybaılas jemqorlyqqa qarsy is-qımyl týraly» jáne «Qazaqstan Respýblıkasynyń memlekettik qyzmeti týraly» QR Zańdaryna sáıkes arnaıy memlekettik qorǵa tapsyryldy.

Esterińizge sala keteıik, Mınıstrlik 2015 jyly memlekettik organdardyń arasynda alǵashqy bolyp QHR delegatsııasymen resmı kezdesý kezinde basshylyqqa syılaǵan uıaly telefondy memlekettik qorǵa tapsyrǵan.

Keıinnen mobıldi qurylǵylar saýdaǵa shyǵaryldy.