QR AShM mekemesiniń bólim basshysy para aldy degen kúdikke ilindi

NUR-SULTAN. QazAqparat - QR Aýyl sharýashylyǵy mınıstrligine qarasty «Respýblıkalyq epızootııaǵa qarsy otrıad» RMM bólim basshysy para aldy degen kúdikke ilindi, dep habarlaıdy QazAqparat.

Almaty oblysynyń sybaılas jemqorlyqqa qarsy kúres qyzmeti QR AShM «Veterınarııalyq baqylaý jáne qadaǵalaý komıtetiniń «Respýblıkalyq epızootııaǵa qarsy otrıad» RMM bólim basshysyna qatysty jemqorlyq qylmys jasady degen kúdik boıynsha sotqa deıingi tergeýdi bastady.

Ol jalpy somasy 2 296 000 teńge bolatyn memlekettik satyp alý boıynsha «Ósimdikterdi búrký» taýarlardy qabyldaý aktisin kedergisiz qabyldap, qol qoıǵany úshin jeke kásipkerden 150 myń teńge kóleminde para aldy degen kúdikke ilingen.

Sotqa deıingi tergeý jalǵasýda.

Kúdiktige qatysty túpkilikti sheshimdi onyń kinásiniń deńgeıin anyqtaý arqyly sot qabyldaıtyn bolady.