QR AShM maldarǵa asa qaýipti 19 aýrýǵa qarsy ekpe jasaıdy

NUR-SULTAN. QazAqparat – QR Aýyl sharýashylyǵy mınıstrligi 2020 jyly aýyl sharýashylyǵy maldaryna asa qaýipti 19 aýrý túrine qarsy 150 mln ekpe jasaıdy, dep habarlaıdy QazAqparat.

«QR AÓK damytýdyń 2017-2021 jyldarǵa arnalǵan memlekettik baǵdarlamasyn iske asyrý sheńberinde aýyl sharýashylyǵy maldarynyń asa qaýipti aýrýlarynyń aldyn alý úshin QR Aýyl sharýashylyǵy mınıstrligi jyl saıyn halyqaralyq standarttar boıynsha sertıfıkattalǵan veterınarlyq preparattarmen qamtamasyz etedi», - delingen AShM aqparatynda.

Málim etilgendeı, QR AShM Veterınarııalyq baqylaý jáne qadaǵalaý komıteti 2019 jyly veterınarlyq-profılaktıkalyq is-sharalar josparyna sáıkes janýarlardyń asa qaýipti 17 aýrýyna qarsy vaktsınalardy (onyń ishinde qutyrý, aýsyl, sibir jarasy, oba, pasterellez, týberkýllez, UQM sheshegi, qus tumaýy, nodýlıarlyq dermatıt jáne t.b.) satyp alǵan. Osylaısha, jyl ishinde 140 696 651 janýar men qusty vaktsınatsııalaý boıynsha jospar 100% oryndalǵan.

«2020 jyly janýarlardyń asa qaýipti 19 aýrýyna qarsy 150 mln astam ekpe jasaý josparlanyp otyr. Tıisti jumystar aǵymdaǵy jyldyń aqpan-naýryz aılarynda bastalady», - dep naqtylady mınıstrlikten.