QR AShM Qyrǵyzstannyń sút óndirý kásiporyndarynan sút jáne sút ónimderin kirgizýge tyıym saldy
ASTANA. 3 qazan. QazAqparat - 2012 jyldyń 3 qazanynda QR AShM Veterınarlyq baqylaý jáne qadaǵalaý komıteti Qyrǵyzstannyń «Aq-Sút» AAQ, «Qant-Sút» JShQ, «Bishkek-Sút» AAQ, «Ýrsýs» JAQ, «Ýmýt jáne K» JShQ, «Shın-Laın»JShQ, «Týýganbaev» JK, «Talas-Sýt» JAQ, OsOO «Elımaı»JShQ jáne «Sút-Bulaq» JAQ sút óndirý kásiporyndarynan sút jáne sút ónimderin kirgizýge tyıym saldy.
Bul týraly QR AShM baspasóz qyzmeti habarlady.
Shekteý Qyrǵyz Respýblıkasynyń veterınarlyq qyzmetiniń qyrǵyzstandyq qaıta óndirý kásiporyndary ornalasqan jerlerde aýsyl boıynsha turaqtylyqty rastaıtyn, sondaı-aq qalyptasqan epızootıkalyq jaǵdaıdy baǵalaıtyn tolyq aqparatty usynbaǵandyqtan engizildi.
Osyǵan baılanysty kórsetilgen kásiporyndardan Qazaqstan Respýblıkasyna sút ónimderine buǵan deıin berilgen barlyq ruqsattardyń merzimderi toqtatyldy.
