QR AShM qus tumaýyna qarsy atqarylǵan sharalar týraly málimdedi

ASTANA. QazAqparat - Búgin Úkimet otyrysynan keıingi baspasóz máslıhatynda QR Aýyl sharýashylyǵy vıtse-mınıstri Tóleýtaı Raqymbekov qus tumaýyna qarsy aldyn alý sharalary týraly aıtyp berdi, dep habarlaıdy QazAqparat.

«Qazaqstanda 37 mıllıonǵa tarta qus bar, onyń ishinde 4,5 mıllıony jeke úı-jaılarda, ıaǵnı erkin baǵylady. Al qalǵanyn túgeldeı jabyq qus fabrıkalarynda asyraýda. Al endi atalǵan úı qustaryna toqtalatyn bolsaq, jyl saıyn osy 4,5 mıllıon qusqa ekpe jumystaryn júrgizýge 500 mln. teńge bólinedi. ıAǵnı tıisti aldyn alý sharalary ýaqytynda júrgizilip jatyr dep aıta alamyz»,-dedi vıtse-mınıstr.

Sonymen qatar ol Qazaqstan aýmaǵynda shoshqanyń afrıkalyq obasynyń taralýy faktisi eshqashan da tirkelmegenin jetkizdi.

Belgili bolǵandaı, eger de ótken jylǵy 1 mamyrdaǵy jaǵdaı boıynsha janýarlar indetiniń 36 oshaǵy tirkelse, aǵymdaǵy jyly 23 oshaǵy anyqtaldy, ıaǵnı 36 paıyzǵa tómendeý baıqaldy.

«2017 jyldyń veterınarlyq-profılaktıkalyq is-sharalaryna sáıkes, 17 asa qaýipti aýrýlarǵa qarsy 150 mln. ekpe jasaý josparlanǵan.

Onyń ishinde jyl basynan qazirgi kezeńge deıin 60 mln. ekpe jasaý qarastyrylǵan»,-dedi vıtse-mınıstr.

Munymen qosa, janýarlardyń asa qaýipti aýrýlaryna qatysty 70 mln. dıangnostıkalyq tekserý júrgizý josparǵa engizildi.