QR AShM kóktemgi egiske tehnıka satyp alýdy sýbsıdııalaıdy

ASTANA. QazAqparat - QR Aýyl sharýashylyǵy mınıstrligi kóktemgi egiske tehnıka satyp alýdy sýbsıdııalaıdy. Búgin Ortalyq kommýnıkatsııalar qyzmetindegi baspasóz máslıhatynda Ósimdik sharýashylyǵy ónimderin óndirý men qaıta óńdeý departamentiniń dırektory Ajar Qadjybekova málim etti.

«Aýyl sharýashylyǵy daqyldaryn der kezinde egý úshin tehnıka parkin jańartý qajet. Tehnıkany alýǵa jaǵdaı jasaý maqsatynda bıyl mınıstrlik tarapy aýyl sharýashylyǵy tehnıkasyn sıbsıdııalaýdy josparlap otyr, ıaǵnı onyń qunynyń 25 paıyzyna deıingi shyǵyny ótelmek»,-dedi ol.

Onyń sózine qaraǵanda, bul baǵdarlamany qarjylandyrý yntalandyrýshy emes sýbsıdııalardy qysqartý esebinen júzege asyrylmaq.

«45 mlrd. teńge kólemindegi bosaǵan qarjy aýyl sharýashylyǵy taýarlaryn óndirýshilerge ınvestıtsııalyq qarjy bólgen kezde, onyń ishinde aýyl sharýashylyǵy tehnıkalaryn satyp alý úshin jumsaǵan shyǵyndarynyń ornyn toltyrý boıynsha sýbsıdııalaýǵa baǵyttalady»,-dep túıdi Ajar Qadjybekova.