QR AShM: Kóktemgi egis naýqanyna tehnıkalar daıyn
ASTANA. QazAqparat - 2015 jylǵy kóktemgi dala jumystaryn júrgizýge qajetti dızel otynynyń kólemi 366 myń tonna mólsherinde. Bul týraly búgin Ortalyq kommýnıkatsııalar qyzmetindegi brıfıngte QR Aýyl sharýashylyǵy vıtse-mınıstri Saparhan Omarov málim etti.
Onyń sózine qaraǵanda, aqpan-naýryzǵa baǵa tonnasyna 82 myń teńge deńgeıinde bekitildi. Al janarmaı quıý stansalaryndaǵy naryqtyq baǵa lıtrine 99 teńge bolyp otyr. Operatorlardyń shyǵyndaryn eskergende aımaqtarda aýyl sharýashylyǵy taýarlaryn óndirýshiler úshin dızel otynynyń ortasha baǵasy lıtrine 81 teńgeni quraıdy.
Qańtar-naýryzǵa 147 myń tonna dızel otynyn jetkizý josparlanǵan.
Budan bólek, S. Omarov kóktemgi egis naýqanyna tehnıkanyń ázirligi máselesine toqtaldy. 2015 jyldyń basyna respýblıkada 154 myń traktor, 90 myń dánsepkish, 334 myń topyraq óńdeý quraly, 5 myń búrikkish, 3,4 myń zamanaýı joǵary ónimdi sebý kesheni bar. Olardyń daıyndyǵy 86-93 paıyz shamasynda baǵalanyp otyr.
