QR AShM: Qazaqstanda shoshqanyń afrıkalyq obasy tirkelgen joq

ASTANA. QazAqparat - Búgin Úkimet otyrysynan keıingi baspasóz máslıhatynda QR Aýyl sharýashylyǵy vıtse-mınıstri Tóleýtaı Raqymbekov Reseıdegi shoshqanyń afrıkalyq obasynyń taralýyna qatysty túsinik berdi, dep habarlaıdy QazAqparat.

Onyń sózine qaraǵanda, buǵan deıin bul indet Qazaqstan aýmaǵynda eshqashan tirkelmegen. Osy oraıda bundaı aýrý taralǵan jaǵdaıda halyqaralyq uıymdar, onyń ishinde halyqaralyq epızootııalyq bıýro barlyq shekaralas memleketterge dereý aqaparat taratady.

«Qazaqstanǵa tıisti aqparat der kezinde habarlandy, sondyqtan da Reseı Federatsııasynyń atalǵan óńirlerimen mal sharýashylyǵy ónimderimen almasý toqtatylady»,-dedi Raqymbekov.

Esterińizge sala keteıik, osyǵan deıin Reseıdiń Samara oblysynda atalǵan aýrýdyń taralýy oshaǵy anyqtalǵan bolatyn.