QR AShM: Qazaqstan qus etiniń ımportyn tómendetýde

ASTANA. QazAqparat - Kedendik odaq komıtetiniń málimetine saı Qazaqstan 2014 jyldyń 8 aıynda 88,3 myń tonna et ımporttaǵan. Bul týraly QR AShM baspasóz qyzmetiniń málimetinde habarlandy.

Osy rette ımporttyń negizgi bóligin qus eti alyp otyr - 76 329 myń tonna nemese jalpy úlestiń 86 paıyzy. Qus etin jetkizýshilerdiń qataryna AQSh (68 paıyz), Reseı (15 paıyz) jáne Ýkraına (12 paıyz) elderin jatqyzýǵa bolady. Salystyrmaly túrde 2012 jyly Qazaqstan 192 myń tonna qus etin ımporttaǵan.

«Import qurylymyndaǵy sıyr etiniń úlesi shamamen 10,5 paıyzdy quraıdy nemese 9,3 myń tonna kóleminde. Onyń 0,4 paıyzy salqyndatylǵan sıyr etine tıesili, al qalǵan 10 paıyzy muzdatylǵan túrde jáne negizinen qaıta óńdeý óndirisine ákelinedi»,-delingen mınıstrlik málimetinde.