QR AShM Qazaqstan boıynsha barlyq fermerlerge tegin oqytýdy uıymdastyrady
Oryndaýshy bolyp «Atameken» QR Ulttyq kásipkerler palatasy belgilengeni atap ótildi. Arnaıy sol úshin aǵymdaǵy jyldyń maýsymynda palata agroquziretter ortalyǵyn qurdy. Ortalyq dırektory Tóleýtaı Rahymbekovtyń aıtýynsha, fermerlerdiń negizgi máselesi aqparattyń jetispeýshiligi bolyp tabylady.
«Biz Qazaqstan boıynsha barlyǵy 600 semınar ótkizýdi josparlaýdamyz jáne on myńnan astam fermerlerdi qamtamasyz etemiz. Semınar aýyl sharýashylyǵy mınıstrligimen belgilengen 25 negizgi baǵyt boıynsha ótkiziletin bolady. 13-i mal sharýashylyǵy boıynsha jáne 12-i ósimdik sharýashylyǵy boıynsha. Negizgi problemanyń biri - aqparatpen jetkiliksiz qamtamasyz etý. Barlyq fermerler birdeı aýyl sharýashylyǵynyń mamandary emes. Sondaı-aq, mamandardyń ózi bilimdi árdaıym jetildirip otyrý kerektigin aıtady, bizdiń fermerler barlyq ınnovatsııalyq jańalyqtardy bilýleri tıis», - dedi T.Rahymbekov.
Sonymen qatar, baǵdarlamaǵa 25 sheteldiń mamandary atsalysýda. Qazaqstandyq dáris oqýshylardy olar semınardyń ádisimen tanystyratyn bolady.
«Qarasha aıyna deıin Qazaqstannyń barlyq oblystaryn qamtýdy josparlaýdamyz. Bizdiń maqsatymyz tek 10 myń fermerdi oqytyp qana qoımaı, olardy semınar barysynda qazirgi zamanǵa saı sheshimder qabyldaýǵa úıretý. Osyndaı aýqymdy baǵdarlamaǵa memleket mıllıard teńgeden astam qarajat bóldi», - dedi T. Rahymbekov.
Turaqty negizde aýyl sharýashylyǵy taýar óndirýshilerin súıemeldeý úshin jáne olarǵa dáris berý úshin QR UKP www.fermers.kz ınternet portalyn ázirleýde. Barlyq oqytý baǵdarlamalaryn onlaın túrde osy saıttan alýǵa bolady.