QR AShM: Elimizdegi birqatar elevatorlardyń tozyǵy jetken
ASTANA. 12 maýsym. QazAqparat - QR Aýyl sharýashylyǵy mınıstrligi elimizdegi elevatorlarǵa keń aýqymdy tekserý jumystaryn júrgizedi.
Bul týraly búgin brıfıng barysynda atalǵan mınıstrlikke qarasty Agroónerkásip kesheniniń Memlekettik ınspektsııasy komıtetiniń tóraǵasy Saqtash Hasenov aıtty.
«Ózderińizge belgili, osy kezeńde 221 lıtsenzııalanǵan elevator 2012 jyldyń jańa astyǵyn qabyldaýǵa daıyndyq jumystaryn júrgizýde. Osyǵan oraı QR Aýyl sharýashylyǵy mınıstrliginiń Agroónerkásip kesheniniń Memlekettik ınspektsııasy komıteti daıyndyq is-sharalary úderisimen tanysý úshin birqatar nan qabyldaıtyn pýnktterdi tekserýdi josparlap otyr. Jekelegen elevatorlardyń materıaldyq-tehnıkalyq bazasynyń eskirgendigin atap ótken oryndy. Keıbir syıymdylyqtar qaıta qalpyna keltirýdi talap etedi, tehnıkalyq jabdyqtary jóndeýge kelmeıdi ári aýystyrý qajet», - dedi komıtet tóraǵasy.
QR Aýyl sharýashylyǵy mınıstrliginiń málimetteri boıynsha, lıtsenzııalanǵan elevatorlarda 8,3 mln. tonna syıymdylyq bar. Olardyń 60 paıyzynda astyq saqtaýly. Al aýyl sharýashylyǵy taýlarlaryn óndirýshilerde 2,3 mln. tonna, shaǵyn kombınattarda shamamen 200 myń tonna astyq tur.
