QR AShM elge Omby oblysynan shoshqa etiniń jetkizilýine tyıym saldy
QR Aýyl sharýashylyǵy mınıstrligi Veterınarııa qyzmeti Omby oblysynan shoshqa etin jetkizýge tyıym saldy. Ol jerde afrıkalyq obanyń oshaǵy anyqtalýyna baılanysty Omby oblysynyń eki aýdanynda tótenshe jaǵdaı rejımi engizildi.
«Afrıkalyq shoshqa obasy - asa qaýipti juqpaly vırýstyq aýrý. Alaıda onyń adamǵa qaýipi joq. Biraq aýyl sharýashylyǵy salasyna eleýli zııan keledi. Sondyqtan QR AShM Veterınarııa qyzmeti Ombydan shoshqa etin jetkizýge tyıym saldy», - dep jaǵdaıdy túsindirdi Ombydaǵy QR konsýly Eldar Qonaev.
Eske salsaq, obanyń birinshi oshaǵy 11 shildede Sargat aýdanynda tirkeldi. 15 shildede Omby oblysy Achaırskıı kentindegi V.D. Medvedev jeke qosalqy sharýashylyǵyna tıesili ólgen toraıdan afrıkalyq shoshqa obasy vırýsy anyqtaldy. 16 shildede Lıýbınskıı aýdany Krasnyı ıAr kenti mańynda úıindide vırýsty nysan anyqtaldy. Aýmaqqa karantın enizilip, mal ákelýge, azyq-túlik óńdeýge tyıym salyndy.
Achaırskıı kentinde shoshqa soıǵandarǵa qylmystyq is qozǵady. Muny qatań karantınmen ǵana toqtatý múmkin. Reseıde oba 2007 jyldan beri bar. Bıyl vırýs Saratov, Orlov, Moskovskıı, Irkýtsk, Samarsk, Rostov, Vladımırskıı jáne Ivanovskıı oblystarynda, Qyrymda tirkeldi.