QR AShM-de 350 ruqsat berý qujatyn retteıtin 5 memlekettik qyzmet avtomatty túrde júzege asyrylatyn bolady
Atalmysh joba aıasynda 350 ruqsat berý qujatyn retteıtin 5 memlekettik qyzmet avtomatty túrde júzege asyrylatyn bolady. Bul týraly agroónerkásiptik keshende sybaılas jemqorlyq áreketterin joıý jónindegi Memleket basshysynyń Joldaýynan týyndaıtyn mindetterdi talqylaýǵa arnalǵan jıyn barysynda taratylǵan baspasóz baıanynda aıtyldy.
Mınıstrliktiń málimetteri boıynsha, Aýyl sharýashylyǵy mınıstrliginiń qurylymynan ishki aýdıt qyzmeti jolǵa qoıylyp júzege asyrylýda. Atalmysh qyzmettiń maqsaty - elimizdiń bıýdjettik jáne ózge de zańdarynyń, sondaı-aq memlekettik qyzmetterdi kórsetýdiń sapasy sııaqty baǵyttar boıynsha atqarylyp jatqan jumystarǵa baǵa berý.
Sonymen qatar osy ýaqytta mınıstrlikten memlekettik qyzmet kórsetý tıimdiligin arttyrýǵa baǵyttalǵan 3 qoǵamdyq keńes qurylǵan. Olar veterınarııa men asyltuqymdy mal, jerdi ıgerý men fıtosanıtarııalyq qaýipsizdik, tabıǵat resýrstaryn paıdalaný sııaqty baǵyttardy qamtıdy jáne atalmysh keńes quramyna úkimettik emes uıym ókilderi de engizilgen. Osylaısha jemqorlyqpen kúres jumystary memlekettik qyzmetti ǵana emes, azamattyq qoǵamdy da qamtyp otyr.
