QR AShM Azyq-túlik korporatsııasy qorynan óńirlerge astyq pen un qoryn jetkizý memorandýmynyń saqtalmaý sebepterin taldaýdy usyndy
ASTANA. 2 qarasha. QazAqparat /Marlan Jıembaı/ - QR Aýylsharashylyǵy mınıstrligi Azyq-túlik korporatsııasy qorynan óńirlerge astyq pen un qoryn jetkizý memorandýmynyń saqtalmaý sebepterin taldaýdy usyndy. Bundaı usynysty búgin búgin Úkimet otyrysynda QR Aýyl sharýashylyǵy mınıstrliginiń Jaýapty hatshysy Evgenıı Aman jasady.
«Azyq-túlik korporatsııasy» AQ qorynan óńirlerge bekitilgen aılyq astyq pen un qoryn jetkizý memorandýmynyń óńirlik operatorlar tarapynan oryndalýy tómen bolyp otyr. Bul turaqtandyrý qorynan alynǵan kólemderge tólem jasaýdyń, sondaı-aq sáıkesinshe astyqty suryptaýdyń baıaý ári tolyq kólemde júrmeýine sebep bolyp otyr», - dedi Jaýapty hatshy.
E.Amannyń aıtýyna qaraǵanda, qazan aıynda memorandýmda qarastyrylǵan astyq kóleminiń 3,4 paıyzyn Jambyl, 6,4 paıyzyn Mańǵystaý, 14,4 paıyzyn Atyraý, 20,4 paıyzyn Qyzylorda oblystary alǵan.
«Un men nan baǵasynyń turaqtylyǵyn saqtaýdyń áleýmettik jaǵyn esepke ala otyryp, «Azyq-túlik korporatsııasy» AQ-y men oblys ákimdikteri birlesip qol qoıylǵan memorandýmdardyń saqtalmaý sebepterine taldaý jasaý usynylady», - dedi Jaýapty hatshy.
