QR AShM: Aýrýdan ólgen malǵa ótemaqy tólep berý qarastyrylýda
Aýyl sharýashylyǵy mınıstrligi bul elimizde buryn-sońdy tirkelmegen indet dep otyr. Sondaı-aq oǵan qarsy vaktsına da joq kórinedi. Qazir aýrýǵa shaldyqqan malǵa antıbıotık berilýde. Qajetti preparattardy alýǵa jáne dızınfektsııalyq sharalarǵa jergilikti bıýdjetten 2 mln teńgege jýyq qarajat bólindi.
Mamandardyń paıymynsha, indet kórshi Reseıden kelýi múmkin. Óıtkeni dál osyndaı epıdemııa mamyr aıynda tirkelgen. Aýrý qozdyrǵyshyn tasýshylar - qansorǵysh jándikter. Abyroı bolǵanda, adamǵa juǵý qaýpi joq. Alaıda jergilikti turǵyndardy alańdatqan másele bul emes. Aýrýdan ólgen maldyń óteýi bola ma dep shyryldaǵan halyqqa jaǵymdy aqpar. Mınıstrlik ókilderi qyrylǵan iri qaranyń naryqtaǵy quny eseptelip, ıelerine shyǵyndy tolyqtaı ótep berý joldary qarastyrylyp jatqanyn aıtady.
«Jańadan shyqqan aýrý bolǵandyqtan, biz qolda bar Qazaqstannyń aýmaǵynda tirkelgen aýrýlardyń tizbesine osy aýrýdy kirgizip jáne osy aýrý shyqqan kezde maldyń ıesine naryqtyq baǵasyn tólep berýdi qarastyryp jatyrmyz. Ol qujatqa kirgennen keıin, kúshine engennen keıin ólgen maldardyń barlyǵy tizimde. Soǵan baılanysty tólem beriledi», - dedi QR AShM veterınarlyq baqylaý jáne qadaǵalaý komıteti tóraǵasynyń orynbasary Tursyn Qabdoldanov.
