QR AShM astyq tuqymdaryn sýbsıdııalaý saıasatyn ózgertpek
ASTANA. QazAqparat - QR Aýyl sharýashylyǵy mınıstrligi astyq sapasyn jaqsartý úshin 2018 jyldan bastap tuqymdarynyń keıbir suryptaryn sýbsıdııalaýdy doǵarmaq, dep habarlaıdy QazAqparat.
«Biz aldaǵy jyldan bastap tuqym sharýashylyǵynda erejelerdi ózgertpekpiz. Búginde bizde on jyldan astam ýaqyt buryn óndirilgen suryptar egilip júr. Aldaǵy jyldan bastap shekteý engizbekpiz, ıaǵnı tuqym 10 jyldan astam ýaqyt buryn aýdandastyrylsa, olarǵa sýbsıdııa qarastyrylmaıdy. Tıimdiligi joǵary tuqymǵa ǵana sýbsıdııalaýmen qamtylady», - dedi QR Aýyl sharýashylyǵy birinshi vıtse-mınıstri Qaırat Aıtýǵanov Májiliste «Halyq kommýnısteri» fraktsııasynyń keńeıtilgen otyrysynda.
Onyń atap ótýinshe, búginde qazaqstandyq astyqtyń sapasyn arttyrýǵa nazar aýdarý kerek bolyp tur. Osyǵan baılanysty bıyl QR AShM elıtalyq tuqymdy satyp alýdy sýbsıdııalaýǵa kiristi.
«Búginde bizde 21 mln 800 myń tonna astyq bastyryldy. Sapasynda aıyrmashylyq bar. Eger de ótken jyldy úshinshi sanattaǵy sapamen 44 paıyz deńgeıinde aıaqtasaq, al búginde elevatorlar men astyq qabyldaıtyn kásiporyndarǵa túsken astyqtyń 63,5 paıyzy úshinshi sanatqa kirip otyr. Buǵan ne yqpal etti? Árıne, birinshi kezekte klımattyq jaǵdaılardyń áseri bar. Ekinshiden, elıtaly tuqym men tyńaıtqyshtardy alý boıynsha bıyldan tártiptiń ózgerýi de óz yqpalyn tıgizdi», - dedi ol.
