QR AShM aram et tarap jatqany týraly áleýmettik jelidegi habarlamaǵa qatysty pikir bildirdi
ASTANA. QazAqparat - QR aýyl sharýashylyǵy mınıstrligi WhatsApp messendjerinde taraǵan qaýipti et týraly habarlamaǵa pikir bildirdi.
Sońǵy ýaqytta túrli áleýmettik jelide, atap aıtqanda, WhatsApp-ta belgisiz bireýler mynadaı aqparat taratqan:
«Sálem, baýyrlar!!!Ázirge eshqandaı maldyń etin almańyzdar!!! Sýǵa ketken jaqtardan ólgen maldardyń etin kamaz-kamaz tıep, bazarǵa ákelip ótkizip jatqanyn kórgenderden estip shoshyp kettim. Aǵaıyn-týystaryńyzǵa eskertińiz!!! Samsa almańdar, bazarda mýsyrǵa laqtyrǵan sıyr, túıe, jylqy bas súıekterin ózbekter jınap alyp ýksýspen jýyp, prıpravalar qosyp samsa jasaıdy. Ótinish. Osyny barlyq musylman baýyrlarǵa taratyńdar, bilip júrsin», - delingen habarlamada (mátinniń túpnusqa orfografııasy saqtalǵan).
Mınıstrlikten bul habarlamadaǵy fakti rastalmaǵanyn málim etti.
«Budan basqa, satýǵa ákelingen et veterınarlyq-sanıtarlyq saraptamamen turaqty kúndelikti baqylaýdan ótedi. QR zańnamasyna sáıkes ilespe veterınarlyq qujattary joq et pen et ónimderin satýǵa jol berilmeıdi», - delingen vedomstvo habarlamasynda.
