QR AShM AÓK-tegi memlekettik ınspektsııa komıtetiniń tóraǵasy taǵaıyndaldy

ASTANA. QazAqparat - Premer-Mınıstrdiń orynbasary - QR aýyl sharýashylyǵy mınıstri Asqar Myrzahmetovtiń buıryǵymen Erjan Aınabekov QR AShM agroónerkásiptik keshenindegi memlekettik ınspektsııa komıtetiniń tóraǵasy bolyp taǵaıyndaldy, dep habarlaıdy primeminister.kz.

E. Aınabekov - aýyl sharýashylyǵy ǵylymdarynyń kandıdaty, ǵalym agronom. 

QR AShM qurylymyndaǵy eńbek qyzmetin 1999 jyly mınıstrliktiń aýmaqtyq basqarmasynan bastady. 2001-2006 jyldary Soltústik Qazaqstan oblysynda mınıstrliktiń aýmaqtyq basqarmasyna basshylyq etti. Keıin M. Jumabaev atyndaǵy aýdandy, sodan soń SQO-nyń Aıyrtaý aýdanyn basqardy. 

2010 jyldan bastap mınıstrlik qurylymyna qaıta oralyp, AÓK-tegi MIK-tiń Soltústik Qazaqstan aýmaqtyq ınspektsııasyna jetekshilik etti. 

2013  jyldan bastap QR AShM AÓK-tegi MIK-tiń «Respýblıkalyq fıtosanıtarlyq dıagnostıka jáne boljamdar ádistemelik ortalyǵy» MM basshysy bolyp qyzmet istedi. 

E. Aınabekov mereıtoılyq medaldarmen jáne І, ІІ, ІІІ dárejeli «Eńbek dańqy» tósbelgilerimen marapattalǵan.