QR arqyly tranzıtpen ushatyn úndistandyqtar 72 saǵat vızasyz júre alady
ASTANA. QazAqparat - 2018 jyldyń 23 sáýiri men 31 jeltoqsany aralyǵynda Astana jáne Almaty arqyly qazaqstandyq áýe kompanııalarynyń tranzıtimen úshinshi elderge ushatyn Úndistan azamattaryna 72 saǵattyq vızasyz rejim engizildi, dep habarlaıdy QazAqparat tilshisi «Eır Astana» AQ baspasóz qyzmetine silteme jasap.
QR Úkimetiniń tıisti qaýlysyna 10 sáýirde qol qoıylǵan.
«Eır Astana» ushaqtary Almatydan Delıge kúndelikti ushyp turady. Al Astanadan Delıge ushaq aptasyna úsh ret qatynaıdy. Úndistannyń astanasyna jolaýshylardy jabdyqtalǵan Airbus jáne Embraer avıalaınerleri tasymaldaıdy. Qazaqstan men Úndistannyń astanalaryn jalǵaıtyn tikeleı reıs 2017 jyldyń 2 shildesinde engizilgen», - delingen habarlamada.
Avıahabarlama jumysyn bastaǵaly beri eki eldiń áýe reısteri arqyly 570 myń jolaýshy jáne 5,6 myń tonna júk jetkizilgen. Delıden kele jatqan tranzıttik jolaýshylarǵa Kıev, Ystanbul, Máskeý, Sankt-Peterbýrg, Omby, Novosibir, Beıjiń, Úrimji, Tbılısı, Bishkek, sonymen qatar London, Frankfýrt jáne Parıjge ushý múmkindigi bar.
Osyǵan uqsas vızasyz rejim QHR azamattary úshin de qoldanylýda.
