QR alys eldi mekenderinde áleýmettik tólemder taǵaıyndaýǵa qujattar qabyldaý mamyrda bastalady - DSÁDM

ASTANA. QazAqparat - 2015 jylǵy mamyr aıynan bastap aýdan ortalyqtarynan alys eldi mekenderde turatyn azamattar úshin «Qazposhta» AQ jáne mobıldi halyqqa qyzmet kórsetý ortalyqtarynyń mamandarynyń kómegimen áleýmettik tólemder taǵaıyndaýǵa qujattar qabyldaý uıymdastyrylady, dep habarlady QR Densaýlyq saqtaý jáne áleýmettik damý mınıstrliginde.

«2015 jylǵy mamyr aıynan bastap aýdan ortalyqtarynan alys eldi mekenderde turatyn azamattar úshin «Qazposhta» AQ jáne mobıldi halyqqa qyzmet kórsetý ortalyqtarynyń mamandary zeınetaqy men járdemaqy taǵaıyndaýǵa, sondaı-aq, medıtsınalyq-áleýmettik saraptama qyzmetiniń múgedektikti belgileýine qujattardy qabyldaıdy», - delingen habarlamada.

Mınıstrlikte túsindirgendeı, azamattarǵa qyzmetter kórsetý, - qujattardy qabyldaý jáne esepshot ashý - olardyń turatyn jerlerine baryp kórsetilip, jaılylyq pen ońaılatylǵan tártipti qamtamasyz etip, memlekettik qyzmetke ketetin shyǵyn men ýaqytty únemeıdi.

Vedomstvonyń málimetinshe, qazirgi ýaqytta 1 mln. 191,8 myń adam nemese el turǵyndarynyń 15,4% Halyqqa qyzmet kórsetý ortalyqtary jáne Zeınetaqy tóleý jónindegi memlekettik ortalyqtyń bólimsheleri joq aýyldyq eldi mekenderde turady.