QR Aqparat jáne kommýnıkatsııalar mınıstrliginiń Qoǵamdyq keńesi salany damytýdyń ózekti máselelerin talqylady

ASTANA. QazAqparat - Búgin Qazaqstan Respýblıkasynyń Aqparat jáne kommýnıkatsııalar mınıstrliginde mınıstr Dáýren Abaevtyń tóraǵalyǵymen Aqparat, aqparattyq kommýnıkatsııalyq tehnologııalar jáne memlekettik qyzmet kórsetý salalaryn damytý máseleleri jónindegi Qoǵamdyq keńes jónindegi qoǵamdyq keńestiń alǵashqy otyrysy ótti.

QR Aqparat jáne kommýnıkatsııalar mınıstrliginiń baspasóz qyzmetinen habarlaǵandaı, bekitilgen kún tártibine sáıkes,  daýys berý nátıjesinde Keńestiń tóraǵalyǵyna Parlament Májilisiniń depýtaty Qýanysh Sultanov, hatshy bolyp QR AKM Strategııalyq josparlaý departamenti dırektorynyń orynbasary Arhat Baqytbekuly Sadýaqasov saılandy.

Sonymen qatar, otyrysta Qoǵamdyq keńes týraly ereje, «Tsıfrly Qazaqstan» memlekettik baǵdarlamasy, mınıstrliktiń strategııalyq jospary men 2016-2018 jyldarǵa arnalǵan bıýdjettik baǵdarlamalary, normatıvtik-quqyqtyq aktilerdiń jobalary talqylanyp, maquldandy.

Kezdesýdiń sońynda kelesi otyrystyń kún tártibi bekitilip, budan keıingi keńesterdi BAQ-tyń qatysýymen «Qazmedıa ortalyǵy» bazasynda ótkizý jóninde sheshim qabyldandy.