QR Aqparat jáne kommýnıkatsııalar mınıstrliginiń Aqparat komıteti týraly ereje bekitildi
Qazaqstan Respýblıkasy Aqparat jáne kommýnıkatsııalar mınıstrliginiń buıryǵy
2016 jylǵy 20 maýsym, Astana qalasy №5
«Qazaqstan Respýblıkasy Aqparat jáne kommýnıkatsııalar mınıstrliginiń Aqparat komıteti» respýblıkalyq memlekettik mekemesiniń erejesin bekitý týraly
«Quqyqtyq aktiler týraly» 2016 jylǵy 6 sáýirdegi Qazaqstan Respýblıkasy Zańynyń 35-baby 1-tarmaǵynyń 6) tarmaqshasyna jáne «Qazaqstan Respýblıkasy Aqparat jáne kommýnıkatsııalar mınıstrliginiń keıbir máseleleri» Qazaqstan Respýblıkasy Úkimetiniń 2016 jylǵy 16 maýsymdaǵy № 353 qaýlysyna sáıkes buıyramyn:
1. Osy buıryqqa qosymshaǵa sáıkes «Qazaqstan Respýblıkasy Aqparat jáne kommýnıkatsııalar mınıstrliginiń Aqparat komıteti» respýblıkalyq memlekettik mekemesiniń erejesi bekitilsin.
2. Qazaqstan Respýblıkasy Aqparat jáne kommýnıkatsııalar mınıstrliginiń Aqparat komıteti:
1) osy buıryq bekitilgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq buıryqty bekitken kúnnen bastap kúntizbelik on kún ishinde Qazaqstan Respýblıkasynyń normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi;
2) osy buıryqty Qazaqstan Respýblıkasy Aqparat jáne kommýnıkatsııalar mınıstrliginiń ınternet-resýrsynda jáne memlekettik organdardyń ıntranet portalynda ornalastyrýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Aqparat jáne kommýnıkatsııalar vıtse-mınıstrine júktelsin.
4. Osy buıryq onyń alǵashqy resmı jarııalanǵan kúninen bastap qoldanysqa engiziledi.
Mınıstrdiń mindetin atqarýshy S. SÁRSENOV
Qazaqstan Respýblıkasy Aqparat jáne kommýnıkatsııalar mınıstriniń mindetin atqarýshy 2016 jylǵy 20 maýsymdaǵy №5 buıryǵymen bekitilgen
Qazaqstan Respýblıkasy Aqparat jáne kommýnıkatsııalar mınıstrliginiń Aqparat komıteti týraly ereje
1. Jalpy erejeler
1. Qazaqstan Respýblıkasy Aqparat jáne kommýnıkatsııalar mınıstrliginiń Aqparat komıteti (budan ári - Komıtet) Qazaqstan Respýblıkasy Aqparat jáne kommýnıkatsııalar mınıstrliginiń retteýshilik, iske asyrýshylyq, baqylaý fýnktsııalardy júzege asyratyn, sondaı-aq aqparat salasyndaǵy Mınıstrliktiń strategııalyq fýnktsııalaryn oryndaýǵa qatysatyn vedomstvosy bolyp tabylady.
2. Komıtet óz qyzmetinde Qazaqstan Respýblıkasynyń Konstıtýtsııasyn, Qazaqstan Respýblıkasynyń zańdaryn, Qazaqstan Respýblıkasy Prezıdentiniń jáne Úkimetiniń aktilerin, ózge de normatıvtik quqyqtyq aktilerdi, sondaı-aq osy Erejeni basshylyqqa alady.
3. Komıtet memlekettik mekemeniń uıymdastyrýshylyq-quqyqtyq nysanyndaǵy zańdy tulǵa bolyp tabylady, oqshaýlanǵan múlki, memlekettik tilde óz ataýy jazylǵan móri men mórtabandary, belgilengen úlgidegi blankileri, sondaı-aq zańnamaǵa sáıkes qazynashylyq organdarynda esep shottary bar.
4. Komıtet óz atynan azamattyq-quqyqtyq qatynastarǵa túsedi.
5. Komıtet óz quzyreti sheńberinde belgilengen zańnamalyq tártipte Tóraǵanyń buıryǵymen rásimdeletin sheshimder qabyldaıdy.
6. Komıtettiń qurylymy men shtat sany Qazaqstan Respýblıkasy Aqparat jáne kommýnıkatsııalar mınıstriniń kelisýi boıynsha Mınıstrliktiń jaýapty hatshysymen bekitiledi.
7. Mekemeniń tolyq ataýy - «Qazaqstan Respýblıkasy Aqparat jáne kommýnıkatsııalar mınıstrliginiń Aqparat komıteti» respýblıkalyq memlekettik mekemesi.
8. Komıtettiń ornalasqan jeri: 010000, Astana qalasy, Esil aýdany, Orynbor kóshesi, 8, «Mınıstrlikter úıi» ǵımaraty, 14 kireberis.
9. Osy Ereje Komıtettiń quryltaı qujaty bolyp tabylady.
10. Komıtettiń qyzmetin qarjylandyrý respýblıkalyq bıýdjetten júzege asyrylady.
11. Komıtetke óziniń fýnktsııasy bolyp tabylatyn mindetterdi oryndaý turǵysynda kásipkerlik sýbektilerimen sharttyq qatynastarǵa túsýge jol berilmeıdi.
Eger Komıtetke Qazaqstan Respýblıkasynyń zańnamalyq aktilerimen kirister ákeletin qyzmetti júzege asyrý quqyǵy berilse, onda mundaı qyzmetten túsken kirister bıýdjettiń kirisine joldanady.
2. Mıssııa, negizgi mindetter, fýnktsııalar, quqyqtar men mindettemeler
12. Mıssııasy:
Aqparattyq kommýnıkatsııalyq keshendi damytý maqsatynda aqparat salasyndaǵy tıimdi memlekettik saıasatty qalyptastyrý jáne júrgizý.
13. Mindeti:
1) Buqaralyq aqparat quraldary jáne teleradıo habar taratý salasyndaǵy memlekettik saıasatty iske asyrýǵa qatysý;
2) Teleradıo habar taratý jáne buqaralyq aqparat quraldary salasyndaǵy memlekettik retteýdi júzege asyrý;
3) Qazaqstan Respýblıkasynyń zańnamasyna sáıkes óz quzyreti sheginde buqaralyq aqparat quraldary salasyndaǵy halyqaralyq yntymaqtastyq;
4) Memlekettik basqarýdyń tıisti salasyna basshylyqty júzege asyrý;
5) qyzmetkerlerdi jumysqa qabyldaý jáne joǵarylatý kezinde genderlik teńgerimdi saqtaý;
6) óz quzyreti sheginde Komıtetke júktelgen ózge de mindetterdi júzege asyrý.
Fýnktsııalary:
1) óz quzyreti sheginde memlekettik saıasatty iske asyrýdy qamtamasyz etý;
2) óz quzyreti sheginde halyqaralyq yntymaqtastyqty júzege asyrý;
3) ulttyq qaýipsizdik salasyndaǵy zańdar men ózge de normatıvtik quqyqtyq aktilerdiń saqtalýyn qamtamasyz etý;
4) biliktilik talaptary men olarǵa sáıkestikti rastaıtyn qujattar tizbesin Qazaqstan Respýblıkasynyń zańnamasyna sáıkes ázirleý;
5) adam men azamattyń quqyqtary men bostandyqtaryn qozǵaıtyn normatıvtik quqyqtyq aktilerdi qospaǵanda, vedomstvonyń quzyretine kiretin máseleler boıynsha jáne Mınıstrdiń buıryqtarynda olardy bekitý boıynsha tikeleı quzyreti bolǵan kezde normatıvtik quqyqtyq aktilerdi kelisý, ázirleý jáne bekitý;
6) Qazaqstan Respýblıkasynyń zańnamasynda belgilengen tártippen respýblıkalyq deńgeıde memlekettik aqparat saıasatyn júrgizý jónindegi memlekettik tapsyrysty qalyptastyrý jáne onyń júzege asyrylýyn baqylaý;
7) merzimdi baspasóz basylymdarynyń mindetti tegin danalarynyń qaǵaz jáne elektrondyq arhıvterin qalyptastyrý;
8) buqaralyq aqparat quraldary jáne teleradıo habar taratý máseleleri boıynsha ortalyq jáne jergilikti atqarýshy organdardyń qyzmetin úılestirý;
9) óz quzyreti sheginde memlekettik jastar saıasatyn iske asyrý;
10) jastar uıymdarymen buqaralyq aqparat quraldary máseleleri boıynsha ózara is-qımyldy jáne yntymaqtastyqty júzege asyrý;
11) memlekettik jastar saıasaty máseleleri boıynsha memlekettik aqparattyq saıasatty júrgizý jónindegi memlekettik tapsyrysty ornalastyrý;
12) memlekettik jastar saıasaty máseleleri boıynsha memlekettik aqparattyq saıasatty júrgizý jónindegi memlekettik tapsyrysty ornalastyrý; memlekettik qupııany qorǵaý salasyndaǵy zańnamany saqtaı otyryp, ulttyq qaýipsizdiktiń jaı-kúıi jáne ony qamtamasyz etý boıynsha qabyldanatyn sharalar týraly halyqty habardar etý, nasıhattaý jáne qarsy nasıhattaý qyzmetin júrgizý;
13) is-áreketteri (nemese áreketsizdigi) Qazaqstan Respýblıkasynyń ulttyq múddeleriniń buzylýyna, ulttyq qaýipsizdigine qaýip tónýine ákep soǵatyn laýazymdy adamdardy, memlekettik qyzmetshilerdi tıisti jaýaptylyqqa tartý;
14) Qazaqstan Respýblıkasynyń zańdarynda, Qazaqstan Respýblıkasy Prezıdentiniń jáne Úkimetiniń aktilerinde jáne ózge normatıvtik quqyqtyq aktilerde kózdelgen ózge de ókilettikterdi júzege asyrý.
14. Komıtettiń quqyqtary men mindetteri:
Komıtet:
1) óz quzyreti sheńberinde quqyqtyq aktilerdi shyǵarý;
2) Mınıstrliktiń qurylymdyq bólimshelerinen, memlekettik organdardan, uıymdardan, olardyń laýazymdy tulǵalarynan belgilengen zańnamalyq tártipte qajetti aqparat pen materıaldardy suratýǵa jáne alýǵa;
3) Qazaqstan Respýblıkasynyń zańnamasyn jetildirý boıynsha usynystar engizýge;
4) Komıtettiń quzyretine kiretin máseleler boıynsha semınarlar, konferentsııalar, dóńgelek ústelder, baıqaýlar jáne ózge de is-sharalar ótkizýge;
5) jetekshilik etetin qyzmet baǵyttary boıynsha konsýltatıvtik-keńesshi organdar (jumys toptaryn, komıssııalar, keńester) qurý jóninde usynys engizý;
6) óz quzyretine qatysty máseleler boıynsha saraptamalarǵa qatysý úshin tıisti mamandardy tartýǵa;
7) Qazaqstan Respýblıkasynyń qoldanystaǵy zańnamasynda kózdelgen ózge de quqyqtardy júzege asyrýǵa quqyǵy bar.
Komıtettiń mindettemelerine:
1) Komıtetke júktelgen mindetter men fýnktsııalardy iske asyrýdy qamtamasyz etý;
2) Qazaqstan Respýblıkasy zańnamasyn saqtaý, jeke jáne zańdy tulǵalardyń zańdy múddeleri men quqyqtaryn saqtaý;
3) Komıtettiń quzyretine kiretin máseleler boıynsha túsindirmeler daıyndaý;
4) Mınıstrliktiń qurylymdyq bólimsheleri men memlekettik organdaryna bul týraly resmı saýal joldaǵan jaǵdaıda óz quzyreti sheginde jáne zańnama sheńberinde qajetti materıaldar men anyqtamalardy usyný;
5) Komıtettiń teńgerimindegi memlekettik menshiktiń saqtalýyn qamtamasyz etý;
6) Komıtetke bólingen bıýdjettik qarajattardy tolyq, ýaqytyly jáne tıimdi paıdalanýdy qamtamasyz etý;
7) Qazaqstan Respýblıkasynyń zańnamasyna sáıkes memlekettik satyp alý rásimderin júrgizý.
3. Komıtettiń qyzmetin uıymdastyrý
16. Komıtetti Qazaqstan Respýblıkasynyń belgilengen zańnamalyq tártibinde laýazymǵa taǵaıyndalatyn jáne laýazymnan bosatylatyn Tóraǵa basqarady.
17. Komıtet tóraǵasynyń belgilengen zańnamalyq tártippen laýazymǵa taǵaıyndalatyn jáne laýazymnan bosatylatyn orynbasarlary bolady.
18. Komıtet tóraǵasy Komıtettiń jumysyna jalpy basshylyq etýdi júzege asyrady.
19. Komıtettiń tóraǵasy mynadaı:
1) Mınıstrdiń, mınıstrliktiń, Jaýapty hatshynyń jáne jetekshilik etetin vıtse-mınıstrdiń tapsyrmalaryn mindetti túrde oryndaıdy;
2) óziniń orynbasarlary men Komıtettiń qurylymdyq bólimsheleri basshylarynyń ókilettikterin jáne mindetterin aıqyndaıdy;
3) óz quzyreti sheginde buıryqtar shyǵarady;
4) eńbek qatynastary máseleleri joǵary turǵan memlekettik organdar men laýazymdyq tulǵalardyń quzyretine jatqyzylǵan qyzmetkerlerden basqa, Komıtet qyzmetkerlerin qyzmetke taǵaıyndaıdy jáne qyzmetten bosatady;
5) eńbek qatynastary máseleleri joǵary turǵan memlekettik organdar men laýazymdyq tulǵalardyń quzyretine jatqyzylǵan qyzmetkerlerden basqa, Komıtet qyzmetkerleriniń issapar, eńbek demalysyn berý, materıaldyq kómek kórsetý, daıarlaý (qaıta daıarlaý), biliktiligin arttyrý, yntalandyrý, ústemeaqylar tóleý jáne syıaqy berý, sondaı-aq tártiptik jaýapkershiligi máselelerin sheshedi;
6) memlekettik organdarda jáne ózge de uıymdarda qoldanystaǵy zańnamalarǵa sáıkes Komıtettiń múddesin qorǵaıdy;
7) Komıtettiń qurylymdyq bólimsheleri týraly erejelerin bekitedi;
8) memlekettik satyp alýlardyń qorytyndylary boıynsha taýarlardy, jumystardy, qyzmetterdi, memlekettik satyp alý týraly sharttarǵa, oryndalǵan jumystardyń aktilerine, sondaı-aq jetekshilik etetin salalar sheńberindegi sharttarǵa qol qoıady.
9) sybaılas jemqorlyq áreketteriniń týyndaýyna ákep soǵatyn sybaılas jemqorlyq quqyq buzýshylyq nemese áreketteri belgili bolǵan kezde, ol týraly, mınıstrliktiń basshylyǵyn habardar etedi;
10) memlekettik qyzmetshilerdiń qyzmettik etıka normalaryn Komıtettiń qyzmetkerlerinen saqtaýdy qamtamasyz etý;
11) Komıtetke sybaılas jemqorlyqqa qarsy áreket jasaýǵa baǵyttalǵan sharalar qabyldaıdy jáne sybaılas jemqorlyqqa qarsy sharalar qabyldaý úshin jeke jaýaptylyqta bolady;
12) óz quzyretine jatatyn ózge de máseleler boıynsha sheshimder qabyldaıdy;
Komıtet tóraǵasynyń ókilettigin oryndaý ol bolmaǵan kezde, qoldanystaǵy zańnamaǵa sáıkes ony aýystyratyn tulǵa júzege asyrady.
20. Komıtet tóraǵasynyń orynbasarlary:
1) óz ókilettigi sheginde Komıtettiń qurylymdyq bólimsheleriniń qyzmetin úılestiredi;
2) Mınıstrdiń, mınıstrliktiń Jaýapty hatshynyń, jetekshilik etetin vıtse-mınıstrdiń jáne Komıtet tóraǵasynyń tapsyrmalaryn mindette túrde oryndaıdy;
3) ózge de fýnktsııalardy júzege asyrady.
4. Komıtettiń múlki
21. Komıtettiń jedel basqarý quqyǵyndaǵy oqshaýlanǵan múlki bar. Komıtet múlki oǵan memleket bergen múliktiń esebinen, sondaı-aq quny Komıtettiń teńgeriminde kórsetiletin ózge de múlikterden qalyptasady.
22. Komıtetke bekitilip berilgen múlik respýblıkalyq menshikke jatady.
23. Komıtettiń ózine bekitilgen múlikti, Qazaqstan Respýblıkasy zańdarynda ózgeshe belgilenbese, óz betimen ıelikten shyǵarýǵa nemese oǵan ózge de jolmen bılik etýge jol berilmeıdi.
5. Komıtetti qaıta uıymdastyrý jáne taratý
24. Komıtetti qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady.
