QR Aqparat jáne kommýnıkatsııalar mınıstrligi BAQ-ta dúrbeleń týǵyzǵan zań jobasyna túsindirme berdi
Bul týraly QazAqparat tilshisine QR Aqparat jáne kommýnıkatsııalar mınıstrliginiń resmı ókili Arsen Bektasov habarlady.
«Joba Internette pikirler, usynbalar, jurtshylyqtyń usynystaryn jınaý úshin jarııalandy. Sonymen birge, azamattar men memlekettik organdardyń eskertpeleri eskerile otyryp, taıaýdaǵy ýaqytta qujatty data.egov.kz ashyq málimetter portalynda jarııalaý josparlanýda, onda kez kelgen paıdalanýshy óz pikirin bildirip, usynystaryn engize alady. Alaıda jurtshylyqtyń talqylaýy munymen shektelmeıdi. Zańnama talaptaryna sáıkes bul zań jobasy ÚEU, sarapshylyq qoǵamdastyq, sala ókilderi jáne barlyq múddeli taraptardyń qatysýymen talqylaýǵa shyǵarylady. Zań jobasynyń túpkilikti nusqasy jurtshylyqtyń engizgen usynystary eskerile otyryp qana qalyptastyrylady», - dep atap ótti Arsen Bektasov.
Eske sala keteıik, búgin «Qazaqstan Respýblıkasynyń keıbir zańnamalyq aktilerine buqaralyq aqparat quraldary máseleleri boıynsha ózgerister men tolyqtyrýlar engizý týrpaly» zań jobasynyń qujattamasy jarııalandy, onda paıdalanýshy kontentimen jáne jeke málimettermen (túsindirme, oqyrmandar hattary jáne t.b.) jumysta zańnamany saqtaý jónindegi talaptardy engizý kózdelgen.
«Jýrnalısterge aqparattardyń shynaıylyǵyn tekserý jáne jeke adam ómiriniń málimetteri men derbes málimetterdi jarııalaýǵa ruqsat alý usynylady», - dep atap ótilgen qujatta.
Sondaı-aq «aqparattyq habarlama» jáne «baspasóz qyzmeti» degen túsinikterdi engizý usynylady. «Buqaralyq aqparat quraldary týraly» QR Zańynda «resmı habarlama» retinde memlekettik organdardan alynǵan aqparat túsinigi kózdelgenin eskere otyryp, bul túsinikterdi engizý memlekettik emes sektor taratatyn aqparattarǵa qatysty quqyqtyq qoldaný tájirıbesin eleýli ońaılatady», - delingen qujatta.
Sondaı-aq BAQ salasyndaǵy baqylaý quzyretin ýákiletti organnyń aýmaqtyq organdaryna júkteý usynylady, bul BAQ týraly zańnamanyń óńirlerde saqtalýyna baqylaýdy eleýli arttyrady.
BAQ salasyndaǵy zańnamaǵa usynylǵan ózgerister jýrnalısterdiń áleýmettik jaýapkershiligin jáne medıa salasyndaǵy quqyqtyq mádenıetti qalyptastyrýǵa járdemdesedi, dep túsindiredi jobany jasaýshylar.
