QR Ádilet mınıstrliginiń Tirkeý qyzmeti jáne quqyqtyq kómek kórsetý komıtetiniń jańa tóraǵasy taǵaıyndaldy
ASTANA. Shildeniń 1-i. QazAqparat /Asqar Bımendın/ - Búgin QR Ádilet mınıstri Rashıd T.úsipbekov QR Ádilet mınıstrliginiń Tirkeý qyzmeti jáne quqyqtyq kómek kórsetý komıtetiniń jańa tóraǵasy Marat Seksembaevty tanystyrdy, dep habarlady vedomstvonyń baspasóz qyzmeti.
Bul laýazymdy atqarǵan Ámirhan Amanbaev budan bir aı buryn 2010 jylǵy maýsymnyń 1-inde Memleket basshysynyń Ókimimen Qazaqstan Respýblıkasy Ádilet mınıstriniń orynbasary qyzmetine taǵaıyndalǵan bolatyn.
Marat Islamhanuly Seksembaev 1979 jyly Arqalyqta týǵan, E.Bóketov atyndaǵy Qaraǵandy memlekettik ýnıversıtetin bitirgen.
Eńbek qyzmetin 2000 jyly prokýratýra organdarynda bastady.
Jańa qyzmetke taǵaıyndalǵanǵa deıin QR Ádilet mınıstrliginiń Taldaý jáne strategııalyq josparlaý departamentiniń dırektory boldy.
