QR Ádilet mınıstrliginiń saraptamasyna jyl saıyn 70-ke jýyq zań jobasy kelip túsedi - Z.Baımoldına

ASTANA. QazAqparat - Qazaqstanda 2015 jyly ádilet organdarynyń barlyq áleýeti Ult jospary - 100 naqty qadamda belgilengen Elbasynyń tapsyrmalaryn der kezinde sapaly zańnamalyq qamtamasyz etýge baǵyttaldy, dep málimdedi QR Ádilet vıtse-mınıstri Záýresh Baımoldına.

«Jyl saıyn Ádilet mınıstrligine zańgerlik saraptamaǵa ortasha eseppen 70 zań jobasy, 2 myń Prezıdent pen Úkimettiń akt jobalary, sonymen qatar 10 myń akt ortalyq jáne jergilikti organdardan túsedi», - dedi Z.Baımoldına.

Ol ádilet organdarynyń negizgi mindetteriniń biri - ulttyq zańnamany qurý jumystaryna qatysý ekenin aıtyp ótti. Atalmysh mindet ádilet organdarynyń normatıvtik-quqyqtyq akti jobalaryna zańgerlik saraptama, zań jobasyn úılestirý qyzmeti jáne josparlaý jasaý arqyly iske asyrylady. 

Sonymen qatar, Z.Baımoldına ótken jyly ádilet organdarynyń barlyq áleýeti Memleket basshysynyń tapsyrmasy boıynsha belgilengen «100 naqty qadam» Ult josparyn der kezinde sapaly zańnamamen qamtamasyz etýge baǵyttalǵanyn aıtty, dep jazady primeminister.kz.