14:08, 10 Maýsym 2016 | GMT +6
QR Ádilet mınıstrliginiń quzyryna 50-den astam memlekettik qyzmet bekitildi (FOTO)
ASTANA. QazAqparat - Búgin Astanada halyqqa esep berý kezdesýinde QR Ádilet mınıstri Berik Imashev ózi basqaryp otyrǵan vedomstvo 50-den astam memlekettik qyzmetke jaýapty ekenin aıtty.
«Reestrge sáıkes, Ádilet mınıstrligine memlekettik qyzmettiń 53 túri bekitilgen, onyń ishinde mınıstrlikpen tikeleı 40 qyzmet túri kórsetiledi, 9 - jergilikti atqarý organdarymen jáne tórt qyzmet «Úkimet azamattar úshin» memlekttik korporatsııasymen atqarylýda»,-dedi vedomstvo basshysy.
Osy rette ol Memleket basshysynyń tapsyrmasyna sáıkes, memlekettik qyzmetterdi kórsetý tıimdiligin arttyrý baǵytyndaǵy jumystar jalǵasyp jatqandyǵyn jetkizdi.
«Halyq úshin memlekettik qyzmetter sapasyn arttyrý sybaılas jemqorlyqqa qarsy is-qımyldyń jáne memorgandar qyzmetine azamattardyń senim arttyrýdyń mańyzdy aspektisi bolyp tabylady»,-dedi B. Imashev.
