QR Ádilet mınıstrliginde avtorlyq quqyqty qorǵaý máselesi talqylandy
ASTANA. 2 naýryz. QazAqparat - QR Ádilet mınıstrliginde jazýshylar, sáýletshiler, músinshiler men sýretshilerdiń shyǵarmashylyq odaqtarynyń qatysýymen avtorlyq quqyq máseleleri boıynsha dóńgelek ústel otyrysy ótti.
Bul týraly vedomstvonyń baspasóz qyzmetinen habarlady.
Sharanyń maqsaty - Zııatkerlik menshik quqyqtary jónindegi komıtettiń jumysymen tanystyrý, avtorlyq quqyq salasyndaǵy zańnamalardyń negizgi erejelerin sondaı-aq, avtorlyq quqyqpen qorǵalatyn týyndylarǵa quqyqty resimdeý tártibin túsindirý boldy.
Áńgime barysynda shyǵarmashylyq odaqtar ókilderi, avtorlyq kelisimsharttardyń sharttaryn jazý kezinde basylymdarmen jıi kelispeýshilikteri týyndaıtynyn aıtyp, qaralyp jatqan máseleniń ózektiligin atap ótti. Máselen, tanymal jazýshy Ákim Tarazı mundaı kelisim sharttardyń birizdi úlgisin jasaý qajettigin alǵa tartty.
Dóńgelek ústel otyrysynyń nátıjesinde qatysýshylar osy ispetti sharalarǵa jıi qatysyp turýǵa nıetterin bildirdi.
