QR Ádilet mınıstrligi zııatkerlik menshik salasynda zańnamany jetildirmek

ASTANA. QazAqparat - QR Ádilet mınıstrligi bıylǵy maýsym aıynda QR Parlamentiniń qaraýyna zııatkerlik menshik salasynda zańnamany jetildirý boıynsha túzetýlerdi engizedi. Bul týraly QazAqparat tilshisiniń saýalyna atalǵan vedomstvodan habarlady.

Atap aıtqanda, 2016 jylǵa arnalǵan QR Úkimetiniń zań jobalyq jumystary josparyna sáıkes, maýsym aıynda Ádilet mınıstrligimen «Zııatkerlik menshik salasynda zańnamany jetildirý máseleleri jóninde Qazaqstan Respýblıkasynyń keıbir zańnamalyq aktilerine ózgertýler men tolyqtyrýlar engizý týraly» zııatkerlik menshik baǵytynda zań jobasyn QR Parlamentiniń qaraýyna engizý qarastyrylǵan.

«Zań jobasy Ekonomıkalyq yntymaqtastyq jáne damý uıymy elderiniń tájirıbesin eskere otyryp ázirlendi, sondaı-aq zııatkerlik menshik salasynda zańnamany ary qaraı jetildirý maqsatynda daıarlandy. Bul turǵyda quqyqtyq kemshilikterdi, qaıshylyqtardy joıý arqyly ǵylymı-tehnıkalyq ilgerileý men erkin básekelestikti damytýǵa baǵyttalǵan, sonymen qatar ákimshilik kedergilerdi qalyptastyratyn normalardy joıý sekildi qadamdar eskerilgen»,-delingen mınıstrlik málimetinde.