QR Ádilet mınıstrligi jýrnalıster arasynda baıqaý jarııalady

Konkýrstyń negizgi maqsaty azamattardyń quqyqtyq sana-sezimin jáne quqyqtyq aqparattandyrylýyn arttyrý, buqaralyq aqparat quraldarynda memlekettiń quqyqtyq saıasatynyń negizgi baǵyttaryn barynsha shynaıy ári bilikti jarııalaý bolyp tabylady.

Konkýrs qorytyndysy mynadaı negizgi tórt nomınatsııa boıynsha ótkiziledi:

• 1. «Telearnadaǵy eń úzdik vıdeomaterıal»;
• 2. «Gazetter men jýrnaldaǵy eń úzdik jarııalanym»;
• 3. «Radıodaǵy eń úzdik materıal»;
• 4. «Aqparat agenttikteriniń jelisinde ornalastyrylǵan eń úzdik materıal».

Negizgi nomınatsııalar boıynsha konkýrs taqyryptary mynadaı:

• 1) ádilet organdarynyń quqyq túsindirý jumysy sheńberinde azamattardyń quqyqtyq saýattylyǵyn kóterý;
• 2) Respýblıkanyń quqyqtyq taqyrypqa arnalǵan negizgi baǵdarlamalyq qujattaryn (Quqyqtyq saıasat tujyrymdamasy, Quqyqtyq túsindirý jumysy, quqyqtyq mádenıet deńgeıin arttyrý, azamattardy quqyqtyq oqytý men tárbıeleý jónindegi baǵdarlama jáne t.b.) túsindirý.

Sonymen qatar, 4 yntalandyrý nomınatsııalary kózdelgen:

1) «Shyǵarmashylyq belsendiligi úshin» - quqyqtyq taqyrypqa beıimdiligi jáne ádilet organdarynyń jumysyn nasıhattaıtyn materıaldar sanynyń kóptigi úshin;

2) «Tulǵa» - úzdik suhbaty nemese portrettik beıneleýi úshin;

3) «Tyǵyz yntymaqtastyq» - ádilet qyzmetkerleri men jýrnalısterdiń azamattardyń quqyqtyq sana-sezimin arttyrýǵa baǵyttalǵan birlesken is-sharalary týraly eń úzdik materıal úshin;

4) «Quqyqty bilý - laıyqty ómir» - azamattardyń quqyqtyq sana-sezimin arttyratyn materıaldardy baspasóz BAQ-ta, aqparat agenttikteriniń jelisinde, radıo nemese televıdenıedegi baǵdarlamalar tsıklinde eń úzdik jarııalaý úshin.

Konkýrsqa qatysý úshin aǵymdaǵy jylǵy 15 shildeden bastap 14 qarasha aralyǵynda basylymdarda jarııalanǵan jáne óńirlik nemese respýblıkalyq tele-radıo efırlerinde shyqqan jáne aqparat agenttikteriniń jelisinde ornalasqan, kez kelgen janrdaǵy qazaq jáne orys tilindegi tele, aýdıo, baspasóz materıaldary qabyldanady:

Jumystardy QR Ádilet mınıstrliginiń baspasóz qyzmeti buqaralyq aqparat quraldarynda jarnama berilgen kúnnen bastap myna mekenjaı boıynsha qabyldaıdy: ındeks 010000, Astana qalasy, Orynbor kóshesi, 8, Mınıstrlikter úıi, 13 kireberis (telefondar: 74-06-01, 74-08-58, elektrondy poshta adresi: press@minjust.kz , QR Ádiletmıniniń veb-saıty - www.minjust.kz)

Konkýrs respýblıkalyq, oblystyq, qalalyq baspasóz basylymdarynyń, tele-radıo kompanııalarynyń jýrnalısteri úshin ashyq.

Konkýrs jeńimpazdary laýreattar dıplomdarymen jáne baǵaly syılyqtarmen ne aqshalaı syıaqymen marapattalady.

Konkýrs týraly tolyq aqparatty Ádilet mınıstrliginiń www.minjust.kz saıtynan tabýǵa bolady.