QR Ádilet mınıstrligi Tirkeý qyzmeti jáne quqyqtyq kómek kórsetý komıtetiniń tóraǵasy taǵaıyndaldy

ASTANA. 18 sáýir. QazAqparat - QR Ádilet mınıstri Berik Imashevtyń buıryǵyna sáıkes, QR Ádilet mınıstrligi Tirkeý qyzmeti jáne quqyqtyq kómek kórsetý komıtetiniń tóraǵasy qyzmetine Baqyt Ábishev taǵaıyndaldy.

 Ábishev Baqyt Shalqaruly 1965 jylǵy 25 qyrkúıekte dúnıege keldi. Qazaq memlekettik ýnıversıtetin quqyqtaný mamandyǵy boıynsha aıaqtap, Reseı Federatsııasynyń Prezıdenti janyndaǵy Reseı ulttyq sharýashylyq jáne memlekettik qyzmet akademııasy 2 kýrsynyń tyndaýshysy.

Onyń aldynda Qazaqstan Respýblıkasy Kólik jáne kommýnıkatsııa mınıstrligi Kóliktik baqylaý komıtetiniń tóraǵasy bolyp qyzmet jasady.

«Eren eńbegi úshin» medalimen jáne Qazaqstan Respýblıkasy qurmet gramotasymen marapattaldy.

Komıtet tóraǵasynyń orynbasarlary - Venera Kalımova, Ernar Ybraev, Erlan Qosmuratov.