QR Ádilet mınıstriniń tóraǵalyǵymen QAJK birinshi jartyjyldyǵyndaǵy jumys qorytyndysyna arnalǵan alqa májilisi bolyp ótti
ASTANA. Shildeniń 19-y. QazAqparat /Ǵalymjan Hasenov/ - Búgin QR ádilet mınıstri Rashıd Túsipbekovtiń tóraǵalyǵymen Qylmystyq-atqarý júıesi komıtetiniń 2010 jyldyń birinshi jartyjyldyǵyndaǵy jumys qorytyndysyna arnalǵan keńeıtilgen alqa májilisi bolyp ótti, dep habarlady QAJK baspasóz qyzmeti.
Óziniń esepti baıandamasynda QAJK tóraǵasy mindetin ýaqytsha atqarýshy Marat Shabaqbaev qylmystyq-atqarý júıesiniń qyzmeti týraly baıandap, ústimizdegi jyly aımaqtaǵy jiberilgen keleńsizdikter men kemshin tustarǵa da toqtala ketti. Ádilet mınıstri tótenshe jaǵdaılarǵa jol berip, jumystyń óte nashar deńgeıin kórsetken QAJ oblystyq departamentiniń basshylaryna qatal talap qoıdy.
QAJK alqasynyń qorytyndysyn shyǵarý kezinde R.Túsipbekov jedel qyzmetti jetildirýdi talap etip, «Eńbek» RMK jumysynyń tıimdiligin arttyrýdyń qajettigine basa nazar aýdardy. Tym bolmasa, bul baǵytta halyqaralyq tájirıbeni de qoldana bilý kerektigin de basa aıtty.
Ádilet mınıstri atap ótkendeı, qylmystyq-atqarý júıesiniń tehnıkalyq qamtamasyz etilýin jaqsartýdy, sonymen qatar vedomstvolyq oqý oryndaryna mamandar daıarlaýdyń sapasyn arrtyrýdy qatań tapsyrdy. R.Túsipbekov naqtylap ótkendeı, oblystyq departamenttiń basshylarynan memlekettik bıýdjettik qarjyny maqsatsyz paıdalanǵany úshin qatań suralady.
