QR Ádilet mınıstri komıtetter men aýmaqtyq ádilet organdary basshylarynyń qatysýmen beıne-konferentsııa ótkizdi

Bul aqparatty Ádilet mınıstrliginiń baspasóz qyzmeti taratyp otyr.

Vedomstvonyń habarlaýynsha, konferentsııa barysynda ádilet organdaryndaǵy sybaılas jemqorlyqqa qarsy kúres jáne onyń aldyn alý jumystarynyń jaı-kúıi talqylanǵan.

«Onlaın-konferentsııanyń qorytyndysy boıynsha Ádilet mınıstri qurylymdyq jáne aýmaqtyq bólimsheler basshylaryna sybaılas jemqorlyqpen baılanysty quqyq buzýshylyqtarmen kúres jumystaryn jáne ádilet qyzmetkerleriniń memlekettik qyzmetshi etıkasynyń normalaryn saqtaýyn baqylaýdy kúsheıtýdi tapsyrdy. Sonymen qatar, sybaılas jemqorlyq jasaýǵa yqpal etetin jaǵdaılardy boldyrmaý, onyń ishinde jeke jáne zańdy tulǵalardan memlekettik qyzmet kórsetýdi usyný úshin zańnamada kózdelmegen qujattardy negizsiz talap etý tájirıbesin toqtatý qajet ekenin basa aıtty», deligen baspasóz habarlamasynda.