QR Ádilet mınıstri HNO-nyń halyqaralyq yntymaqtastyq komıssııasy ókilderimen kezdesti
ASTANA. 10 qyrkúıek. QazAqparat - 2013 jyldyń 10 qyrkúıeginde Ádilet mınıstri Berik Imashev Halyqaralyq notarıat odaǵynyń (HNO) halyqaralyq yntymaqtastyq komıssııasynyń ókilderimen kezdesti. Bul týraly atalǵan vedomstvonyń habarlamasynda aıtylǵan.
HNO notarıattyq fýnktsııalardy júrgizý, úılestirý jáne damytý úshin qurylǵan halyqaralyq úkimettik emes uıym bolyp tabylady.
Kezdesý maqsaty - Qazaqstannyń notarıat júıesiniń hal-ahýalymen tanysý, sondaı-aq aldyn ala saraptama júrgizý bolyp tabylady. Osynyń aıasynda quqyqtyq qordy, notarıatty tehnıkalyq jaraqtandyrýdy uıymdastyrý negizderi men hal-ahýalyn zerdeleý boljanyp otyr.
Kezdesý nátıjeleri boıynsha otandyq notarıattyń elderdiń quqyqtyń qurlyqtyq júıesine sáıkes kelý máseleleri jáne HNO quramyna Qazaqstannyń enýi máseleleri qaraldy.
