QR Adam quqyqtary jónindegi ýákil azaptaýdy boldyrmaýǵa qatysty baıandamasyn tanystyrdy
Sharany BUU Adam quqyqtary jónindegi Joǵarǵy komıssary Basqarmasynyń, EQYU, BUU Damý baǵdarlamasynyń qoldaýymen Ombýdsmen mekemesi uıymdastyrdy.
Tusaýkeserge BUU-nyń Azaptaýdyń aldyn alý jónindegi shaǵyn komıtetiniń múshesi, Parlament depýtattary, memlekettik organdardyń, halyqaralyq jáne úkimettik emes uıymdardyń basshylary, dıplomatııalyq mıssııalardyń ókilderi, Úılestirý keńesiniń músheleri jáne UAT óńirlik toptarynyń basshylary qatysty.
«Osy qujattyń jyl saıynǵy tusaýkeseri azamattyq sektor ókilderine memlekettik organdardyń basshylarymen birlesip azaptaýlardyń jáne qatań qarym-qatynastyń aldyn alý salasyndaǵy ózara is-qımyldyń qorytyndylaryn talqylaýǵa, sondaı-aq osy salada qajetti sheshimderdi birlesip ázirleýge múmkindik beretin tıimdi dıalog alańyn bildiredi.
Pikir almasý barysynda memlekettik organdardyń nazaryn jedel den qoıýdy talap etetin asa problemalyq máselelerge aýdardy. Negizinen máseleler ustaý jaǵdaılaryna, qyzmetkerlerdiń mandattyq mekemelerde jasalǵan adamdarmen qarym-qatynas jasaýyna qatysty boldy», delingen habarlamada.
UAT qatysýshylarynyń usynystaryn oryndaýǵa jáne mekeme basshylyǵymen de, ortalyq memlekettik organdar deńgeıinde de tıimdi ózara is-qımylǵa erekshe kóńil bólindi. Sondaı-aq, atalǵan usynymdardy ımplementatsııalaýǵa jáne anyqtalǵan qatygezdik faktilerge der kezinde den qoıýǵa járdemdesetin prokýratýra organdarynyń mańyzdy róli atap ótildi.
Pikirtalas qorytyndysy boıynsha UAT qyzmetiniń alǵashqy 5 jyl ishindegi mańyzdy jetistikteri atap ótildi jáne jalpy onyń tıimdiligine oń baǵa berildi.
