QR Adam quqyqtary jónindegi ýákil Asqar Shákirov Kerber atyndaǵy germandyq qordyń ókilderimen kezdesti

Bul týraly Ombýdsmenniń baspasóz qyzmetinen habarlady.

Bul Qor Býndestag apparaty men onyń fraktsııalarynda, federaldy kantslerdiń vedomstvosynda, federaldy syrtqy ister men qorǵanys mınıstrlikterinde, birqatar elshilikterde jumys isteıtin jáne Germanııa men Eýropanyń syrtqy saıasaty máselelerinde mamandandyrylǵan jas saıasatkerlerdi biriktirdi.

Qazaqstandyq Ombýdsmen qonaqtardy Adam quqyqtary jónindegi ýákil mekemesi jumysynyń erekshelikterimen, shaǵymdardyń qaralý tártibimen, halyqaralyq quqyq qorǵaýshy konventsııalar men kelisimsharttar iske asyrylǵanda memlekettik organdar men úkimettik emes uıymdarmen ózara árekettesýdiń tájirıbesimen, sondaı-aq azamattardyń quqyqtary men erkindikterin qamtamasyz etý salasynda memleket qyzmetiniń negizgi baǵyttarymen tanystyryp ótti.

Respýblıkanyń demokratııalyq baǵyt ustanýy jáne EQYU-da qazirgi tóraǵalyq etý negizinde adam quqyqtaryn qorǵaý salasynda atqarylyp jatqan is-sharalardyń mańyzdylyǵy jóninde ortaq pikir bildirildi.