QR 2020 jylǵa deıingi aqsha-nesıe saıasaty maquldandy - QR Ulttyq banki
ALMATY. QazAqparat - Qazaqstan Respýblıkasy Ulttyq banki Memleket basshysynyń tapsyrýymen daıyndalǵan 2020 jylǵa deıingi aqsha-nesıe saıasatyn maquldady. Qujat 2020 jylǵa deıingi Qazaqstan respýblıkasynyń aqsha-nesıe saıasatynyń negizgi kontseptýaldy baǵyttaryn qamtıdy.
Qujatta Qazaqstannyń aqsha-nesıe saıasatynyń evolıýtsııasy men túrli rejımderi qarastyrylǵan.
Qujat Qazaqstan Respýblıkasynyń 2020 jylǵa deıingi aqsha-kredıt saıasatynyń tujyrymdamalyq tásilderin jáne odan ári damý baǵyttarynyń qaǵıdattaryn aıqyndaıdy. Qujatta Qazaqstannyń aqsha-kredıt saıasatynyń evolıýtsııasyna jáne aqsha-kredıt saıasatynyń túrli rejimderine sholý berilgen.
Aıta keteıik, Ulttyq Bank damýdyń aǵymdaǵy kezeńinde ınflıatsııalyq targetteý rejimin engizýdi usynady. Inflıatsııalyq targetteý ınflıatsııanyń nysanaly deńgeıine qol jetkizýge baǵyttalǵan.
Ulttyq Banktiń baǵamdyq saıasaty ınflıatsııa boıynsha maqsatty ustap turýǵa baǵyttalady.
Alaıda, valıýtalyq kúızelister bastalǵan jaǵdaıda, qarjy naryǵyndaǵy turaqtylyqty qamtamasyz etý úshin Ulttyq Bank álemniń eń ozyq praktıkasyna sáıkes aqsha-kredıt saıasaty boıynsha sheshimder qabyldaýdyń aǵymdaǵy júıesin ózgertýge, kommýnıkatsııalyq saıasattyń tıimdiligin arttyrýǵa basymdyq beredi.
Kommýnıkatsııalyq strategııanyń negizgi maqsaty ekonomıkalyq agentterdiń basymdyqtaryn aıyrbastaý baǵamynan ınflıatsııaǵa aýystyrý, sondaı-aq ınflıatsııalyq kútýlerdi tómen deńgeıde bekitý bolady.
Qazaqstannyń 2020 jylǵa deıingi aqsha-kredıt saıasatyn iske asyrý Ulttyq Bankke baǵa turaqtylyǵyn qamtamasyz etýge múmkindik beredi, Sarapshylardyń paıymdaýynsha, bul ornyqty ekonomıkalyq ósýge yqpal etedi, sondaı-aq eldiń álemniń barynsha damyǵan otyz eldiń qataryna kirýi boıynsha strategııalyq maqsattarǵa jetýine járdemdesedi.
