QR 14 óńirindegi 59 saılaý okrýginde shyǵyp qalǵan depýtattar ornyna Máslıhat saılaýy ótedi
ASTANA. QazAqparat - «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýtsııalyq zańynyń 101-baby 4-tarmaǵyna sáıkes, aǵymdaǵy jylǵy 29 naýryzda respýblıkanyń 14 óńirindegi 59 saılaý okrýginde máslıhattardyń shyǵyp qalǵan depýtattarynyń ornyna saılaý bolady, dep habarlady QR OSK baspasóz qyzmetinen.
QR Ortalyq Saılaý komıssııasy 12 naýryzdaǵy jaǵdaı boıynsha Máslıhattardyń shyǵyp qalǵan depýtattarynyń ornyna saılaý jónindegi saılaý naýqanynyń barysy,týraly habarlady. Barlyǵy 59 depýtat: Astana q. máslıhatynyń 1 depýtaty, oblystyq máslıhattyń 8 depýtaty, qalalyq máslıhattyń 10 depýtaty jáne aýdandyq máslıhattyń 40 depýtaty saılanady.
Saılaý naýqany barysynda 196 kandıdat usynyldy, olardyń 60-yn saıası partııalar usyndy, 136-sy - ózin-ózi usynǵandar. Qazirgi sátte máslıhattar depýtattyǵyna kandıdattardy tirkeý aıaqtaldy. Barlyǵy 179 kandıdat tirkeldi. Olardyń ishinde 128 (71,5%) - erler jáne 51 (28,5%) - áıelder.
60 kandıdat - Qazaqstan Respýblıkasy saıası partııalarynyń múshesi, 72-si - partııa qatarynda joq, taǵy 47-si - ózderiniń qaı partııanyń músheliginde ekenin kórsetpegen. Tirkelgen kandıdattardyń arasynda 9 ulttyń ókili bar. Olardyń ortasha jasy - 42 jas.
152 kandıdat (84,9 %) - joǵary bilimdi, 22 kandıdattyń (12,3 %) arnaıy orta bilimdi jáne 5 kandıdat (2,8 %) - orta bilimdi. 55,3 % kandıdat memlekettik mekemelerde, uıymdar men kásiporyndarda; 33,5 % - kommertsııalyq qurylymdarda jumys isteıdi; 6,1 % - saıası partııalar men ÚEU qyzmetkerleri; 5,1 % basqa kásip túrlerimen aınalysady.
Qazirgi ýaqytta kúntizbelik josparǵa sáıkes, saılaý aldyndaǵy úgit kezeńi bastaldy, ol 27 naýryzda saǵat 24-00-de aıaqtalady. Saılaý bolatyn kúnniń aldyndaǵy kúni jáne daýys berý kúni saılaý aldyndaǵy úgitke tyıym salynady.
14 naýryzdan bastap, ýchaskelik saılaý komıssııalarynyń úı-jaılaryndaǵy azamattar saılaýshylar tizimderimen tanysa alady, ondaǵy ózderi týraly málimetterdi tekserýi múmkin jáne qateler jiberilgen jaǵdaıda túzetýler engizýdi talap etedi. Saılaý naýqany qajetti qarjylyq jáne materıaldyq-tehnıkalyq resýrstarmen qamtamasyz etilgen jáne saılaý zańnamasynyń normalaryna sáıkes qatań túrde júrgiziledi.
