QPL: «Jetisý» óz alańynda «Aqtóbeden» basym tústi
ASTANA. KAZINFORM - Búgin Qazaqstan Premer-lıgasynda HV týrynda «Aqtóbe» syrt alańda taldyqorǵandyq «Jetisýǵa» ese jiberdi.
Taldyqorǵandyq komanda eki aıdan beri jeńiske jete almaı keledi. Bıyl dop dodasyn sátsiz bastaǵan aqtóbelik fýtbolshylar bes týr boıy jeńilissiz serııany jalǵastyrdy. Olar eki márte qarsylastaryn qapy qaldyrsa, úsh márte teń nátıjege qanaǵat bildirdi. Nátıjesinde 22 upaımen týrnır kestesinde besinshi orynǵa kóterildi.
Oıyn barysynda komandalar alǵashqy mınýttan belsendilikti arttyrdy. Desek te birinshi kezeńniń sońyna deıin gol soǵylǵan joq.
Kezdesý taǵdyryn sheshken jalǵyz goldy 45-mınýtta taldyqorǵandyq klýbtan Ashat Baltabekov óz enshisine jazdy.
Osylaısha «Jetisý» qarsylasynan 1:0 esebimen basym túsip, týrnır kestesinde jetinshi orynǵa kóterildi.
Aıta ketsek, budan buryn almatylyq «Qaırat» syrt alańda Kókshetaýdyń «Oqjetpesinen» 3:1 esebimen basym tústi.
Sondaı-aq búgin «Elimaı» (Semeı) - «Qyzyljar» (Petropavl), «Kaspıı» (Aqtaý) - «Atyraý» kezdesýi ótedi.
Al 28 maýsymda «Ertis» (Pavlodar) - «Qaısar» (Qyzylorda), «Tobyl» (Qostanaı) - «Altaı» (Óskemen), «Ulytaý» (Jezqazǵan) - «Ordabasy» (Shymkent), «Jeńis» (Astana) - «Astana» kezdesýi bolady.
