QPL: «Jetisý» men «Qaısar» teń oıynǵa qanaǵat bildirdi

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń HHІІІ-týry máresine jetti.

Bul týrdy «Jetisý» (Taldyqorǵan) men «Qaısar» (Qyzylorda) kezdesýi túıindedi.

Komandalar týrnır kestesinde tómengi oryndarda keledi. Premer-lıgadaǵy ornyn saqtap qalý máselesin áli sheshken joq. Sondyqtan oıyn barysynda qarsylastar jeńiske jetýge bar kúshn salatyny belgili edi.

Kezdesý barysynda 11-mınýtynda «Jetisý» sapynan Alan Chochıev esep ashsa, oǵan qyzylordalyq klýbtan Aıbar Jaqsylyqov 23-mınýtta bir golmen jaýap qaıyrdy.
Osylaısha komandalar 1:1 esebine qanaǵat bildirip tarasty.

Aıta ketsek, budan buryn 13 qyrkúıekte «Turan» (Túrkistan) men «Ulytaý» (Jezqazǵan) 1:1 esebine qanaǵat bildirse, «Atyraý» óz alańynda qostanaılyq «Tobyldy» 1:0, petropavldyq «Qyzyljar» Kókshetaýdyń «Oqjetpesin» 3:1, shymkenttik «Ordabasy» astanalyq «Jeńisti» 2:1 esebimen qapy qaldyrdy.

Sondaı-aq 14 qyrkúıekte 14 qyrkúıekte almatylyq «Qaırat» óz alańynda «Aqtóbeni» 1:0 esebimen jeńse, elordalyq «Astana» men semeılik «Elimaı» 3:3 esebine qanaǵat bildirdi.

Endi aldaǵy týr oıyndary 27 jáne 28 qyrkúıek kúnderi ótkiziledi.