QPL: «Jetisý» kósh basyndaǵy «Aqtóbeni» jeńdi

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 10-týry máresine jetti.

Ekinshi oıyn kúninde taldyqorǵandyq «Jetisý» óz alańynda «Aqtóbege» qarsy oıynda 2:1 esebimen alǵashqy jeńisine jetti. Nátıjesinde atalǵan týrdaǵy taǵy bir sensatsııalyq esep tirkeldi.

Taǵy bir kezdesýde «Atyraý» óz alańynda qyzylordalyq «Qaısarǵa» 1:2 esebimen ese jiberse, «Qyzyljar» (Petropavl) men «Elimaı» (Semeı) kezdesýinde 1:1 esebimen teń tústi.

Dál qazir qostanaılyq «Tobyl» syrt alańda Túrkistannyń «Turanyn» 2:0 esebimen tize búktirip jatyr.

Atalǵan týrdyń alǵashqy oıyn kúni, 24 mamyrda Almatynyń «Qaıraty» óz alańynda Kókshetaýdyń «Oqjetpesine» 1:2, Shymkentte «Ordabasy» Jezqazǵannyń «Ulytaýǵa» 0:1 esebimen jeńilip qaldy. 

Sondaı-aq «Astana» elordalyq «Jeńisten» 4:2 esebimen basym tústi.

Onynshy týrdan keıin 25 upaımen «Aqtóbe» kósh basynda tursa, odan keıingi oryndardaǵy «Astananyń» 24, «Qaırat» 23 upaıy bar.

Endi aldaǵy týr oıyndary 30 jáne 31 mamyr kúnderi ótkiziledi.