QPL: «Jeńis» pen «Oqjetpes» teń nátıjege qanaǵat bildirdi
ASTANA. KAZINFORM - Fýtboldan Qazaqstan Premer-lıgasyn tórtinshi týryn «Jeńis» (Astana) - «Oqjetpes» (Kókshetaý) túıindedi.
Alǵashqy úsh týrda bul komandalar túrli deńgeıde oıyn kórsetti. Kókshetaýlyq klýb úsh oıynde eki jeńis, bir teń nátıjemen týrnır kestesinde joǵary ornalasty.
Al elordalyq komanda eki teń oıyn, bir jeńilispen tómengi orynnyń birin mise tutty.
Kezdesý barysynda eki komanda jyldam gol soǵýǵa tyrysty. Nátıjesinde «Jeńis» sapynan Zýrab Tevzadze 30-mınýtta kózdegen nysanadan múlt ketken joq. Oıynnyń 94-mınýtynda kókshetaýlyq klýbtan De Assýnsaý Leonardý tarazy basyn teńestirdi.
Osylaısha komandalar 1:1 esebine qanaǵat bildirdi.
Ózge oıyndar nátıjesi
4 sáýir
«Ertis» (Pavlodar) - «Altaı» (Óskemen) 1:0
«Elimaı» (Semeı) - «Tobyl» (Qostanaı) 1:0
«Qaısar» (Qyzylorda) - «Qyzyljar» (Petropavl) 0:0 «Ordabasy» (Shymkent) men «Atyraý» 1:1
5 sáýir
«Ulytaý» (Jezqazǵan) - «Aqtóbe» 1:1
«Kaspıı» (Aqtaý) - «Jetisý» (Taldyqorǵan) 0:1
«Qaırat» (Almaty) - «Astana» 4:0.
Endi besinshi týr oıyndary 11 jáne 12 sáýir kúnderi ótkiziledi. Aldymen 11 sáýirde «Jetisý» - «Elimaı», «Atyraý» - «Qaısar», «Tobyl» - «Qaırat», «Astana» - «Ordabasy» kezdesedi.
Al 12 sáýirde «Oqjetpes» - «Ertis», «Altaı» - «Ulytaý», «Qyzyljar» - «Jeńis», «Aqtóbe» - «Kaspıı» oınaıdy.
