QPL: «Jeńis» pen «Astana» teń tarqasty
ASTANA. KAZINFORM - Búgin Qazaqstan Premer-lıgasynda birinshi aınalym máresine jetti.
HV týrdy elordalyq «Jeńis» jáne «Astana» komandalary túıindedi.
Kezdesý barysynda Grıgorıı Babaıan shákirtteri belsendi qımyl kórsetti. Dese de oǵan jeńistik fýtbolshylar laıyqty qarsylyq kórsete bildi.
Oıynnyń 30-mınýtynda «Astananyń» jartylaı qorǵaýshysy Marın Tomasov mergendik tanytyp, óz komandasyn alǵa shyǵarǵan edi. Birinshi kezeńde «Jeńis» tarazy basyn teńestirýge umtyldy. Soǵan qaramastan tablodaǵy esepke ózgeris engen joq.
Ekinshi kezeńde qos komandanyń da gol soǵatyn múmkindigi az bolǵan joq. Osyndaı sátterdiń birinde «Astana» oıynshylary 68-mınýtta óz aıyp alańynda tártip buzdy. Bas tóreshi Aleksandr Zatýla birden on bir metrlik núkteni belgiledi. Bul múmkindikti Jıan dos Santos Martıns múlt jibergen joq.
Al 79-mınýtta «Jeńis» sapynan Mádı Haseın óz komandasyn alǵa shyǵarsa, 94-mınýtta «Astana» quramynan Ahmetalı
Kaltanov tarazy basyn teńestirdi.
Osylaısha komandalar 2:2 esebine qanaǵat bildirdi.
HV týrdyń oıyn nátıjesi
27 maýsym
«Oqjetpes» (Kókshetaý) - «Qaırat» (Almaty) 1:3
«Jetisý» (Taldyqorǵan) - «Aqtóbe» 1:0
«Elimaı» (Semeı) - «Qyzyljar» (Petropavl) 2:0
«Kaspıı» (Aqtaý) - «Atyraý» 2:0
28 maýsym
«Ertis» (Pavlodar) - «Qaısar» (Qyzylorda) 1:2
«Tobyl» (Qostanaı) - «Altaı» (Óskemen) 3:1
«Ulytaý» (Jezqazǵan) - «Ordabasy» (Shymkent) 0:1
«Jeńis» (Astana) - «Astana» 2:2.
Endi ekinshi aınalym oıyndary 2, 3, 4, 5 shilde kúnderi ótkiziledi.
