QPL: «Jeńis» elordada «Qaıratqa» ese jiberdi

ASTANA. KAZINFORM - Búgin fýtboldan Premer-lıga komandalary arasyndaǵy Qazaqstan chempıonaty 20-týrynda «Jeńis» pen «Qaırat» komandalary kezdesti.

Aldaǵy shilde aıyna belgilengen atalǵan oıyn almatylyq klýbtyń sol ýaqytta eýrokýbok oıyndaryna qatysýyna baılanysty aldyn ala ótkizildi.

Bıyl «Qaırat» birinshilikti sátti bastady. Qazir týrnır kestesinde birinshi orynda keledi. Al «Jeńistiń» joly bolar emes. Jeti týrdan keıin bes márte teń túsip, eki jeńilisten keıin onynshy oryndy mise tutyp tur.

Kezdesý barysynda almatylyq klýb sapynan Georgı Zarıa 26-mınýttan penaltıden múlt ketpese, 36-mınýtta Valerıı Gromyko esepti ústemeleı tústi.

Ekinshi kezeńniń 46-mınýtynda «Qaırat» qaqpashysy Temirlan Anarbekov dórekiligine baılanysty qyzyl qaǵaz aldy. Tóreshi ony alańnan qýyp, almatylyq klýb on oıynshymen qaldy.

Oıynnyń 77-mınýtynda «Jeńis» sapynan Hýnko Martınes Mıgel Anhel esep aıyrmasyn qysqartty. Degenmen odan keıin tablodaǵy esepke ózgeris engen joq.

Osylaısha «Qaırat» qarsylasynan 2:1 esebimen basym túsip, týrnır kestesinde jeke-dara kósh bastady.

Aıta ketsek, bul matchtan keıin segizinshi týr bastalady. Úsh oıyn 10 mamyrǵa belgilense, 11 mamyrǵa úsh kezdesý belgilengen.